Түркістан облысы. «Қауіпсіз ел» ұлттық жобасының басты мақсаты – елдегі қауіпсіздік деңгейін арттырып, әрбір азаматтың қауіпсіздігін қамтамасыз ету.

«Қауіпсіз ел» ұлттық жобасының басты мақсаты – елдегі қауіпсіздік деңгейін арттырып, әрбір азаматтың қауіпсіздігін қамтамасыз ету. Бұл жоба арқылы елде қылмысты азайтып, құқық қорғау органдарының жұмысын жақсартуға баса назар аударылған. Әр адам өзін қорғалған сезініп, күнделікті өмірінде қорқынышсыз жүре алуы маңызды.

Жобаның негізгі бағыттарының бірі – полиция қызметін реформалау. Бұрын полиция мен халық арасында сенімсіздік болғаны белгілі. Сол себепті полиция қызметкерлерінің біліктілігін арттыру, оларды қоғаммен тиімді жұмыс жасауға үйрету басты мақсаттардың бірі. Жаңа реформа аясында полицияның бейнесін өзгерту, халықтың сенімін арттыру үшін жұмыс істелуде. Полиция енді тек қылмысты ашып қоймай, алдын алу жұмыстарына да басымдық бермек.

Екінші маңызды бағыт – төтенше жағдайлардың алдын алу. Қазақстанда өрт, су тасқыны, жер сілкінісі сияқты түрлі апаттар жиі кездеседі. Осыған байланысты құтқару қызметтерін, өрт сөндіру бөлімдерін күшейтуге көңіл бөлініп жатыр. Әрбір аймақта құтқару қызметтерін қажетті құрал-жабдықтармен қамтамасыз ету көзделген. Халықты төтенше жағдайлар кезінде не істеу керектігі туралы хабардар ету, алғашқы көмек көрсету бойынша оқыту жұмыстары да жиі ұйымдастырылып жатыр.

Жол қауіпсіздігін қамтамасыз ету де осы жобаның бір бөлігі. Жол-көлік оқиғаларының көбеюі, әсіресе үлкен қалаларда, өзекті мәселеге айналған. Сондықтан жол инфрақұрылымын жаңарту, жылдамдықты бақылау жүйелерін орнату, жол қауіпсіздігін арттыру маңызды. Сонымен қатар, жол ережелерін сақтау, жаяу жүргіншілердің қауіпсіздігін қамтамасыз ету мақсатында арнайы шаралар қарастырылуда. Жол қозғалысын бақылауға арналған бейнекамералар орнатылып, жылдамдықты асыратын жүргізушілерге айыппұлдар салу жұмыстары да жүргізілуде.

Жобада балалардың қауіпсіздігін қорғау мәселесі де бар. Мектептер мен балабақшаларда қауіпсіздікті қамтамасыз ету үшін бейнебақылау жүйелері орнатылуда. Балалардың қауіпсіздігі үшін арнайы ережелер енгізіліп, мектептерде қауіпсіздік шаралары күшейтілді. Ата-аналармен бірлесе отырып, мектептерде төтенше жағдайларға дайындық бойынша жаттығулар өткізу, балаларды қауіпті жағдайларда қалай әрекет ету керектігіне үйрету де жоспарланған.

Интернетте қауіпсіздікті сақтау да маңызды тақырыптардың бірі. Қазіргі таңда интернеттегі алаяқтықтар, жеке мәліметтерді ұрлау жиілеп кетті. Осыған байланысты халықты ақпараттық қауіпсіздік шаралары туралы хабардар ету, интернетте жеке мәліметтерді қорғау бойынша кеңестер беру шаралары қолға алынды. Халық арасында киберқауіпсіздікті сақтау, интернет алаяқтарына алданып қалмау үшін түсіндіру жұмыстары жүргізіледі.

Қоғамдық орындарда, әсіресе парктерде, демалыс орындарында, көше бойларында бейнебақылау камераларын орнатып, тәртіпті сақтау бойынша жұмыс күшейтілді. Бұл камералар қылмыстардың алдын алуға көмектесіп, халықтың өздерін қауіпсіз сезінуіне жағдай жасайды.

Құқық қорғау органдары қызметкерлерінің біліктілігін арттыру үшін арнайы оқыту курстары ұйымдастырылып жатыр. Қызметкерлерді жаңа техникалар мен құралдармен қамтамасыз етіп, олардың жұмыс сапасын бақылау күшейтілді. Құқық қорғау органдарының жұмысы тиімді болу үшін қылмыстық істерді тергеу сапасын арттыру, азаматтардың құқықтарын қорғау бойынша жұмыстар да жалғасып жатыр.

Сонымен қатар, әрбір азаматтың қауіпсіздік мәселелеріне жауапкершілікпен қарауы маңызды. Әр адам өзі тұратын аймақтағы қауіпсіздік шараларын сақтап, заң талаптарын орындауға жауапты. Қауіпсіздік мәселесіне бей-жай қарамай, әр азамат өз айналасына көмектессе, қоғамдағы қауіпсіздік деңгейі артады. Әрбір адам өз құқықтары мен міндеттерін біліп, заңды бұзбауға тырысса, еліміздегі қауіпсіздік деңгейі айтарлықтай көтеріледі.

Жалпы, «Қауіпсіз ел» ұлттық жобасы елдің әрбір азаматы үшін бейбіт және қауіпсіз өмір сүруге жағдай жасауға бағытталған. Қауіпсіздікті қамтамасыз ету тек мемлекеттік органдардың ғана емес, әрбір азаматтың да міндеті. Бұл жоба арқылы елде тыныштық пен тәртіп орнап, әркім өз өмірін еркін сүре алатын қоғам құруға ұмтылып жатырмыз.

Тілші: Түймебай Аяжан Лениншілқызы