ТАБИҒАТТЫ ҚОРҒАУ – ӘР АЗАМАТТЫҢ КОНСТИТУЦИЯЛЫҚ МІНДЕТІ

Жаңа Конституция – ел дамуының жаңа кезеңі. Онда айқын көрсетілгендей, Қазақстан Республикасының азаматтары табиғатты сақтауға және табиғи байлыққа ұқыпты қарауға міндетті.

Бұл – жай ғана сөз емес, бұл – әрқайсымыздың болашақ алдындағы жауапкершілігіміз. Табиғат – ата-бабадан қалған аманат, келер ұрпаққа табысталатын қастерлі қазына. Таза ауа, мөлдір су, құнарлы жер – ұлт саулығы мен ел тұрақтылығының негізі.

Бүгінгі таңда экология мәселесі жаһандық деңгейде өзекті. Сондықтан әр азамат:

* қоршаған ортаны ластамауға,
* табиғи ресурстарды үнемді пайдалануға,
* ағаш отырғызып, жасыл желекті көбейтуге,
* туған жердің тазалығына бейжай қарамауға тиіс.

Жаңа Конституция – тек құқықтар ғана емес, сонымен бірге ортақ міндеттер жиынтығы. Табиғатты қорғау арқылы біз еліміздің жарқын болашағын қалыптастырамыз.

Табиғатты аялау – Отанды аялау.