Қазақстан Өзбекстаннан ауғандықтар үшін теміржол арқылы ұн тасымалдау тарифтерін төмендетуді сұрады

Бұл туралы 17 шілдеде Премьер-Министрдің орынбасарлары Серік Жұманғарин мен Джамшид Ходжаевтың қатысуымен өткен екі елдің жұмыс топтарының отырысында мәлім болды, деп хабарлайды ҚР Үкіметінің баспасөз қызметі.

Осылайша, қазақстандық өндірушілер Ауғанстанға ұн және басқа да тауарлар экспортын арттыруды көздеп отыр. Қазақстан тарапының Өзбекстаннан теміржол арқылы жүк тасымалдау тарифтерін қанша пайызға төмендетуді сұрайтыны нақтыланбаған.

Ауғанстан – қазақстандық бидай мен ұнның негізгі және дәстүрлі нарықтарының бірі.