Байланысқа арналған телефондар:
» » Қаладағы ең көне мұсылмандар мазаратында жерлеу тоқтатылды

Қаладағы ең көне мұсылмандар мазаратында жерлеу тоқтатылды

25 август 2023, Пятница
1 880
0
Әл-Фараби ауданының, әлеуметтік желідегі парақшасында, қаладағы, Сәуле шағын ауданындағы, ең көне мұсылмандар мазаратында жерлеу тоқтатылды, - деген ақпар жарияланды

Шымкент қаласы Әл-Фараби ауданы аумағында 7 мазарат бар. Атап айтқанда Сәуле шағын ауданы, 157 орам, «Ақтас-2» шағын ауданы, «Текесу» тұрғын алабы, 275 орамдағы мұсылман мазараттары және Желтоқсан көшесіндегі 2 христиан мазараты.

Бүгінде Сәуле шағын ауданың мұсылман мазаратында жерлеу орындарының шегіне жетуіне байланысты ҚР Ұлттық экономика министрлігінің Құрылыс, тұрғын үй-коммуналдық шаруашылық істері және жер ресурстарын басқару комитетінің 2014 жылғы 29 желтоқсандағы №156-НҚ бұйрығымен бекітілген «Зиратты жобалау және ұстау» №3.02-141-2014 Қазақстан Республикасының Ережелер жиынтығына сәйкес, құзырлы мекемелермен жұмыс тобы құрылып, аталған зират басына барып зерделенді. Нәтижесінде, 20 га жер учаскесінің 90 пайызына жерлеу жұмыстары жүргізіліп, сыйымдылық шегіне жеткендігі анықталды. Осы орайда жұмыстың қорытындысына сәйкес аталған зиратты жабу бойынша жұмысшы топ мүшелері тарапынан ұсыныс беріліп, аудан әкімінің Өкімі қабылданды.

Айта кетейік, Сәуле шағын ауданында орналасқан мұсылман мазаратына жерлеу жұмыстары тоқтатылғанымен, бұл тұрғындардың келуіне, ата-баба рухтарын зиярат етуіне ешқандай шектеу қойылмайды, - деп хабарлайды аудан әкімшілігі
Обсудить
Добавить комментарий
Комментарии (0)
Прокомментировать