Шымкент. Қоғамдық келісім кеңестері Қазақстан халқы Ассамблеясының (ҚХА) аясында өңірлік әкімдіктер жанындағы консультативтік-кеңесші органдар ретінде құрылған.

Қоғамдық келісім кеңестері Қазақстан халқы Ассамблеясының (ҚХА) аясында өңірлік әкімдіктер жанындағы консультативтік-кеңесші органдар ретінде құрылған. Олардың басты мақсаты –қоғамдық келісімді, жалпыұлттық бірлікті нығайту ісінде азаматтық институттардың, қоғамдық, саяси және өзге де бірлестіктердің күш-жігерін шоғырландыру, сондай-ақ қазақстандық бірегейлікті қалыптастыру және дамыту.
Негізгі міндеттері – ортақ мүдделерді іздеуде сындарлы пікірталасқа арналған алаңды қамтамасыз ету; қоғамдық келісім мен жалпыұлттық бірлікті қалыптастыру процесіне түрлі әлеуметтік топтарды, үкіметтік емес ұйымдарды, этномәдени бірлестіктерді тарту; пікірталастарға қатысушылардың ұстанымын шоғырландыру; әлеуметтік шиеленістің алдын алу.

Қоғамдық келісім негізінен бейбітшілікпен ынтымақтықты азаматтардың асыл құндылықтарының бірі болып келеді.Тілегі — достық, ниеті – түзу, көңілі – жомарт қазақстандықтардың осы қасиеті бүгінде әлемге әйгілі. Тәуелсіздік жылдары жеткен жетістіктеріміздің негізі – халықтың бірлігі, ынтымағы, ауызбіршілігі. Этносаралық татулық Қазақстандағы жалпыұлттық бірлік деңгейіне шықты. Осындай жетістікті сақтап қалу – әрбір қазақстандықтың қасиетті борышы.Қазақстанда қоғамдық келісімді қалыптастыру мәселесі елдің көпұлтты болмысымен түбегейлі тығыз байланысты. Ал өзіндік ерекше, көп бағытты және кейде өзара шектелетін мүдделері бар әр түрлі топтарды бір бүтінге біріктіру - өте күрделі міндет. Әдетте, бұл процесс ұлттық өзін-өзі тану жағдайындағы белгілі бір қиындықтармен, этно-ұлтшылдық сезімдердің мерзімді көріністерімен бірге жүреді.Қоғамдық келісім мен жалпыұлттық бірліктің қазақстандық моделі, «әртүрлілікте бірлік» принципіне сүйене отырып, қазірдің өзінде елде де, одан тыс жерлерде де жеткілікті түрде қайталанатын бренд болып табылады. Бұған көп күш пен мемлекеттік бағдарламалық құжаттар бағытталды.

Көп ұлтты қоғамдағы диалогтың табысы кешенді шаралар мен идеологиялық конструкцияларды әзірлеу мен енгізуді қамтамасыз етеді. Осыған байланысты қоғамдық келісімнің моделі мемлекеттің республиканың барлық этностарымен қарым-қатынасын анықтайтын және азаматтардың құқықтары мен бостандықтарын құрметтеудің, ұлттық мүдделерді қорғаудың, әріптестік қарым-қатынастың демократиялық принциптеріне негізделуімен анықталады.

Тілші : Журсынбай Аружан Сабырқызы