Түркістан облысы. Ішімдікке қарсы күрестің маңызды аспектісі – қоғамдық ұйымдардың және еріктілердің белсенді қатысуы.

Ішімдікпен күрес – әлеуметтік проблемалардың бірі болып табылады, деп өзім есептеймін, өйткені алкоголь тұтыну адамның денсаулығына, отбасына, қоғамға және экономикаға теріс әсерін тигізеді. Түркістан қаласы сияқты өңірлерде ішімдікке қарсы кешенді шаралар қабылдау қажет. Бұл мәселеде барлық сала бойынша жүйелі түрде жұмыс жүргізілуі тиіс. Мақалада қысқаша айта кететін болсақ, ішімдікпен күресудің Түркістан қаласында қолданылатын негізгі тәсілдері мен болашақ стратегияларын қарастырамыз.

Ішімдікке қарсы күресудің негізгі құралы – заңдардың қатаң сақталуы. Түркістан қаласында алкогольді ішімдіктерді сатудың заңды шектеулері, жастарға алкогольді өнімдер сату, қоғамдық орындарда ішімдік ішуге қарсы күрес жүргізілуі керек. Заңсыз сату мен алкогольді өнімдерді тұтынудың заңсыз орындарында бақылау күшейтілуі тиіс. Бұл ретте құқық қорғау органдары мен жергілікті билік органдары белсенді түрде жұмыс істеуі қажет.
Түркістан қаласында ішімдікке қарсы күрес шараларының бірі ретінде алкогольді өнімдерге салықты арттыру мүмкіндігі қарастырылуы керек. Қымбат ішімдік өнімдері жастар мен тұрғындарға қолжетімді болмауы тиіс. Мұндай шара ішімдікке деген сұранысты төмендетуге, халықтың денсаулығын жақсартуға ықпалы өте жоғары деп есептеймін.
Түркістан қаласында алкогольдің зиянын түсіндіру үшін ақпараттық науқандар мен насихат жұмыстары жүйелі түрде жүргізілуі қажет. Әсіресе, жастар арасында ішімдікке деген қызығушылықты төмендету мақсатында мектептер мен жоғары оқу орындарында тақырыптық дәрістер мен тренингтер өткізу керек. Мұндай іс-шаралар ішімдікке қатысты дұрыс түсінік қалыптастырады және азаматтарды зиянды әдеттен сақтандырады.
Ішімдікке тәуелділікті жеңу үшін арнайы реабилитациялық орталықтар мен психологиялық қолдау көрсету қызметтерінің саны арттырылуы керек. Түркістан қаласында осы мақсатта ішімдікке тәуелді адамдарға медициналық және психологиялық көмек көрсететін орталықтар ашу маңызды. Алкогольге тәуелділікті емдеу процесі әдетте ұзақ уақытты қажет етеді, сондықтан тұрақты қолдау жүйесін қалыптастыру қажет.
Түркістан қаласының жастарын спортпен айналысуға тарту арқылы ішімдікке деген қызығушылығын төмендетуге болады. Спорттық шаралар мен мәдени іс-шаралар жастардың бос уақытын пайдалы өткізуге мүмкіндік береді. Осы бағытта қалада түрлі жастар клубтары, спорттық секциялар мен шығармашылық үйірмелер ұйымдастырылуы мүмкін. Бұл жастардың әлеуметтік белсенділігін арттырып, ішімдік сияқты зиянды әдеттерден аулақ болуға ықпал етеді.
Ішімдікке қарсы күрестің маңызды аспектісі – қоғамдық ұйымдардың және еріктілердің белсенді қатысуы. Түркістан қаласында ішімдікке қарсы күресте қоғамның қолдауы үлкен рөл атқарады. Қоғамдық ұйымдар мен волонтерлер ішімдікке тәуелді адамдарды оңалту, олардың қоғамға қайта оралуына көмектесу мақсатында жұмыс істей алады. Бұл арқылы ішімдікпен күрес бойынша жан-жақты қамтылған әлеуметтік жүйе құрылады.
Түркістан қаласында салауатты өмір салтын қалыптастыруға ерекше көңіл бөлінуі қажет. Мұны жүзеге асыру үшін халық арасында дұрыс тамақтану, дене белсенділігі, психологиялық денсаулыққа мән беру сияқты факторлар туралы ақпарат тарату керек. Ішімдік пен басқа да зиянды әдеттерден аулақ болу үшін қоғамда салауатты өмір салтын насихаттау маңызды.
Қысқаша қорытындылай келсек, ішімдікпен күресу – әлеуметтік мәселе ретінде қоғамның әр саласында назар аударуды талап етеді. Түркістан қаласында ішімдікке қарсы күрес шараларын қабылдаған кезде, оның құқықтық, әлеуметтік, ақпараттық және мәдени аспектілерін қамту қажет. Әрбір азаматтың жауапкершілігін арттырып, жастарды салауатты өмір салтына тәрбиелеу арқылы ішімдікпен күресті табысты жүргізуге болады.
Мақсат – қоғамды дені сау, рухани бай және салауатты адамдармен толықтыру. Сол үшін барынша денсаулықты қадірлейік: өмірде бәрін қайтара аламыз – ақша, мансап, атақ – алайда, денсаулықты қайтара алмаймыз. Осыны ұмытпайық, денсаулығымыз мықты болсын.

Тілші : Журсынбай Аружан Сабырқызы