Қоқысты қалай болса солай атып кете беретін тұрғындарға бұдан былай айып пұл салынатын болды

Шымкент қаласы әкімінің баспасөз қызметінің хабарлауынша: Шымкент қаласы Тұран ауданы аумағында санитарлық тазалық жұмыстары жүйелі түрде іске асырылып келеді. Осыған орай, Экологиялық полиция қызметкерлері мен аудан әкімі аппаратының қызметкерлері бірігіп рейдтік іс-шара ұйымдастыруда.

🔷 Нәтижесінде, белгіленбеген орындарға қоқыс тастаған, ластаған және тыйым салынған тұрмыстық қатты қалдықтарды тастаған орындар анықталып, тәртіпсіздік жасаған тұрғындарға айыппұл салынды.

Мұндағы басты мақсат – қоқыс тастаудың өзіндік мәдениетіне баулу.

Айта кетейік, «Әкімшілік құқық бұзушылық» Заңының 505-бабына сәйкес, қалалар мен елдi мекендердiң аумақтарын абаттандыру қағидаларын бұзу, сондай-ақ қалалар мен елді мекендер инфрақұрылымы объектілерін бұзу, жасыл екпелерін жою және бүлдіру бойынша тәртіпсіздік жасалу нәтижесінде:
1-ші рет ескерту н/е 20 АЕК (69 000 тенге) айыппұл салынады;
2-ші рет қайталанса 30 АЕК (103,500 тенге) айыппұл салынады.

Сонымен қатар, «Әкiмшiлiк құқық бұзушылық туралы»
Заңының 434-2-бабына сәйкес, ортақ пайдаланылатын орындарды ластау бойынша тәртіпсіздік орын алса:
1-ші рет 5 АЕК (17 250 тенге) айыппұл салынады;
2-ші рет қайталсанса 10 АЕК (34500 тенге) айыппұл салынады!

Құрметті, қала тұрғындары!
Қала тазылығы – баршамызға ортақ міндет. Сол себепті,
Сіздерді қоршаған ортаға жанашырлық танытуға, қоғамдық орындарда тазалық сақтауға шақырамыз, - дейді Шымкент қаласы әкімінің баспасөз қызметі

Тілші: Бахытжан Копбаев
Ақпарат көзі: Шымкент қаласы әкімінің баспасөз қызметі