Шымкент. Заң үстемдігін қалыптастыру халықтың құқықтық мәдениетін дамытумен қатар жүретін процесс.

 Заң үстемдігін қалыптастыру халықтың құқықтық мәдениетін дамытумен қатар жүретін процесс. Құқықтық мәдениетті арттыру, халықтың құқықтық санасын дамыту тәуелсіз, демократиялық және құқықтық мемлекет құруға ықпал ететін азаматтық қоғамды қалыптастырудың маңызды өлшемдері болып табылады. Қазақстан Республикасында құқықтық мемлекет құру процесінде құқықтық тәрбие мәселелері үлкен маңызға ие. Құқықтық тәрбие заңның рөлін күшейтуге, қоғамның объективті шындықтың тәуелсіз факторы ретіндегі маңыздылығын түсінуіне және өсіп келе жатқан жастардың қажеттіліктеріне жауап беруімен түсіндіріледі.

 Жалпыға бірдей құқықтық білім — бұл азаматтарды жаппай құқықтық насихаттау және құқықтық тәрбиелеу жүйесі.  Жалпыға бірдей құқықтық білім берудің мақсаты — азаматтардың құқықтық мәдениетін арттыру және заңға құрмет дәстүрін қалыптастыру.

  Азаматтардың құқықтық санасы мен құқықтық мәдениетін арттыру, азаматтар бойындағы Заңға құрмет сезімін ояту мәселелері тек Әділет министрлігінің ғана емес, сонымен бірге барлық басқа мемлекеттік органдардың стратегиялық бағыттарының бірі болып табылады. Елбасы барлық мемлекеттік органдардың міндеті әлеуметтік модернизацияның маңызды мәселелерінің бірі ретінде халықтың құқықтық мәдениетін тәрбиелеу екенін бірнеше рет атап өткен болатын. 

 Бүгінгі таңда мемлекет жүргізіліп жатқан құқықтық түсіндіру жұмыстарына, сондай-ақ оны жаңа сапалық деңгейге көтеру үшін нормативтік-құқықтық актілерге ерекше назар аударады.

 Құқыққа, заңға деген оң көзқарасты қалыптастыру, азаматтардың мемлекет пен қоғам алдындағы өз құқықтары мен міндеттерін білуі құқықтық мәдениетті қалыптастыру процесінің басты міндеттері болып табылады. Қазіргі заман бізге күнделікті өзгеріп отыратын барлық жаңа үрдістерді талап етеді.  Қазіргі әлемдегі елдің қарқынды дамуының шарты — бұл ең алдымен заң үстемдігін қалыптастыру. Себебі бұл құқық пен бостандықтың сақталуының кепілі ғана емес, сонымен қатар елдің инвестициялық тартымдылығының басты өлшемі болып табылады.  Алайда бұл процесс халықтың құқықтық мәдениетін қалыптастыру мен дамытусыз мүмкін емес.

 Қорытынды:
 Қоғамдағы құқықты дамыту үшін, заңдылықты, тәртіпті қатаң сақтау үшін құқықтық сана-сезімнің маңызы өте зор. Қазақстанның кез келген азаматы өзінің бұзылған құқығын қорғай алатындығына сенімді болса, бұл елдің зайырлы, құқықтық мемлекет болуына үлкен ықпал етеді.

Тілші: Кенжебаева Гаухар Жақыпқызы