Түркістан облысы. Сыбайлас жемқорлық – қоғамның барлық салаларына кері әсер ететін күрделі әлеуметтік мәселе.

 Сыбайлас жемқорлық – қоғамның барлық салаларына кері әсер ететін күрделі әлеуметтік мәселе. Жемқорлықтың кең таралуы әлеуметтік-экономикалық мәселелерді күшейтіп, халықтың мемлекетке деген сенімін төмендетеді. Сыбайлас жемқорлықты алдын алу – бұл қоғамның дамуы мен тұрақтылығын қамтамасыз ету үшін маңызды міндеттердің бірі. Сондықтан сыбайлас жемқорлыққа қарсы күрес кешенді және жүйелі шараларды қажет етеді. Ол елдің экономикалық дамуына кедергі келтіріп, мемлекеттік институттардың беделін түсіріп, халықтың әл-ауқатын нашарлатады.

Жемқорлық әлеуметтік теңсіздікті күшейтеді. Мемлекеттік бағдарламалар мен әлеуметтік көмекке бөлінген қаржы әділетсіз бөлініп, тек белгілі бір топтар мен жеке тұлғалардың мүддесіне жұмыс істейді. Бұл қоғамдағы байлар мен кедейлер арасындағы алшақтықты арттырады.
    Жемқорлық қоғамдағы моральдық құндылықтарды бұзады. Мемлекеттік қызметшілердің кірістері мен мүліктерін міндетті түрде декларациялау. Бұл әдіс заңсыз байытуды анықтауға көмектеседі. Адамдар парақорлықты, заңсыз жолмен пайда табуды қалыпты жағдай ретінде қабылдауы мүмкін, бұл әлеуметтік жауапкершілікті төмендетеді.
Адал еңбек етіп, заңға бағынатын адамда өз құқықтарын қорғау мүмкіндігі жоқ деп санайды, бұл үмітсіздік пен апатия тудырады.

Сыбайлас жемқорлықтың алдын алу шараларының нәтижелері
Біріншіден-қоғамдық сананың өзгеруі: Сыбайлас жемқорлықтың алдын алу үшін атқарылған жұмыстар адамдардың жемқорлыққа деген көзқарасын өзгертіп, құқықтық мәдениетті нығайтады.
Екіншіден-экономикалық тұрақтылық: Жемқорлықтың азаюы мемлекеттік бюджет қаражатының тиімді және мақсатты жұмсалуына ықпал етеді.
Үшіншіден-мемлекетке деген сенімнің артуы: Сыбайлас жемқорлық деңгейін төмендету халықтың мемлекеттік институттарға деген сенімін арттырады.

Қорытынды
Сыбайлас жемқорлық қоғамға үлкен зиян келтіреді және оның дамуын тежейді. Ол экономикалық тұрақсыздық, әлеуметтік теңсіздік, құқықтық жүйенің әлсіреуі және моральдық құндылықтардың құлдырауына әкеледі. Жемқорлыққа қарсы мәдениетті дамыту, мемлекеттік басқаруды ашық және әділ ету, заңнаманы жетілдіру арқылы сыбайлас жемқорлыққа қарсы күрес табысты болуы мүмкін. Жемқорлықтың алдын алу және оны жою үшін мемлекет пен қоғамның күш-жігерін біріктіру қажет.

Тілші: Кенжебаева Гаухар Жақыпқызы