Түркістан облысы. Қазақстандағы сыбайлас жемқорлық

Қазақстандағы сыбайлас жемқорлық мәселесі елдің әлеуметтік-экономикалық және саяси дамуына айтарлықтай кедергі келтіретін негізгі проблемалардың бірі болып табылады. Бұл мәселені шешу мақсатында мемлекет бірқатар заңнамалық және институционалдық реформалар жүргізіп, сыбайлас жемқорлыққа қарсы іс-қимыл шараларын қабылдауда. Алайда сыбайлас жемқорлық деңгейін төмендету үшін жүйелі жұмыс жүргізу қажет, өйткені бұл құбылыс мемлекеттік басқару, бизнес және қоғам өмірінің әртүрлі салаларына әсер етеді.

Мемлекеттік органдардағы ұзақ әрі күрделі рәсімдер жемқорлықтың орын алуына жағдай жасайды. Пара беру немесе жеңілдетілген қызметтер алу арқылы азаматтар мәселелерін жылдам шешуге тырысады. Қоғамда кейбір азаматтар пара беруді немесе пара алуды мәселені шешудің тиімді жолы деп есептейді, бұл жемқорлықтың қалыптасуына ықпал етеді.

Қазақстандағы сыбайлас жемқорлыққа қарсы күрес бағыттары:
Сыбайлас жемқорлыққа қарсы заңдар: Қазақстанда сыбайлас жемқорлықпен күрес үшін арнайы заңнамалар қабылданды. “Сыбайлас жемқорлыққа қарсы күрес туралы” заң мемлекеттік органдардағы және қоғамдағы сыбайлас жемқорлықты жоюға бағытталған.
Қылмыстық жауапкершілік: Сыбайлас жемқорлыққа қатысты қылмыстар үшін қатаң жазалар қарастырылған. Бұл жазалар мемлекеттік қызметкерге, шенеуніктерге және кәсіпкерлерге қатысты қолданылады.

Сыбайлас жемқорлыққа қарсы мәдениетті қалыптастыру мемлекеттік деңгейде ақпараттық жұмыстар жүргізіліп, халыққа сыбайлас жемқорлықтың зияны түсіндірілуде. Қоғамдық бақылау мен БАҚ сыбайлас жемқорлыққа қарсы күресте маңызды рөл атқарады. Мемлекеттік сатып алу жүйесінің ашықтығын қамтамасыз ету арқылы сыбайлас жемқорлық тәуекелдерін төмендетуге  болады.

Қорытынды
Қазақстандағы сыбайлас жемқорлыққа қарсы күрес – елдің тұрақты дамуына және халықтың әл-ауқатын арттыруға бағытталған маңызды қадам. Мемлекет бұл күресті күшейту үшін құқықтық, институционалдық және ақпараттық шаралар қабылдап, қоғамдағы сыбайлас жемқорлыққа қарсы мәдениетті қалыптастыруға басымдық беріп келеді. Сыбайлас жемқорлықты жеңу үшін халықтың белсенділігі мен мемлекеттің ашықтығы басты рөл атқарады.

Тілші: Кенжебаева Гаухар Жақыпқызы