8) ТҮРКІСТАН: Тарихи-өлкетану музейінің жұмысын жандандыру жолдары қаралды

ТҮРКІСТАН: Тарихи-өлкетану музейінің жұмысын жандандыру жолдары қаралды

  Түркістан облысының тарихи-өлкетану музейі 105 жылдық тарихында өңірдің мәдени және тарихи мұрасын сақтап, халыққа рухани тәрбие беруде маңызды рөл атқарып келеді. Музейдің экспозициялары өңірдің этнографиялық жәдігерлері мен Қазақстан тарихы, табиғат және археология, жаңа заман тақырыптарын қамтиды. Музей қорында қазақ халқының соңғы ханы Кенесары Қасымұлының қылышы сияқты құнды коллекциялар сақталған.

  Облыс әкімінің орынбасары Ертай Алтаев мұражайдың маңыздылығын атап, жастарды осы мәдени нысандарға тартып, оларды өңірдің бай тарихымен таныстыру қажеттігін жеткізді. Музейдің тарихи жәдігерлер мен кітап қорын көбейту ісі өңірдің мәдени әлеуетін арттырып, жастарды тәрбиелеуде маңызды рөл атқаратыны туралы айтты. Сонымен қатар, облыстағы аудандарда музейдің жеті филиалы жұмыс істейді, олардың әрқайсысы өздерінің ерекше мәдени-тарихи ерекшеліктерін көрсетеді.

  Түркістан облыстық тарихи-өлкетану музейі тек тарихи жәдігерлердің сақталуы ғана емес, сонымен қатар халықтың рухани өмірінде де маңызды орын алады. 
Тілші: Кенжебаева Гаухар Жақыпқызы