1) ШЫМКЕНТТІК СПОРТШЫЛАР ХАЛЫҚАРАЛЫҚ ТУРНИРДЕ ҚАЗАҚСТАН АБЫРОЙЫН АСҚАҚТАТТЫ

ШЫМКЕНТТІК СПОРТШЫЛАР ХАЛЫҚАРАЛЫҚ ТУРНИРДЕ ҚАЗАҚСТАН АБЫРОЙЫН АСҚАҚТАТТЫ

  Шымкенттік Софья Берульцева Қазақстан құрамасында үлкен жетістікке қол жеткізіп, Karate Premier League турнирінің финалына шықты. Ол 68 келіден жоғары салмақ дәрежесінде Испанияның қазіргі Гран-при жеңімпазы Мария Торреске қарсы финалда бақ сынады. Кездесу тартысты өтті, және Софья күміс жүлдегер атанып, Қазақстанның абыройын асқақтатты.

  Сонымен қатар, тағы бір шымкенттік спортшы, 60 келі салмақ дәрежесінде өнер көрсеткен Қайсар Алпысбай халықаралық турнирде қола медальді иеленді. Қола үшін тартыста Қайсар жапон спортшысы Хашимотодан басым түсіп, үшінші орынды жеңіп алды. Бұл нәтиже қазақстандық спортшылардың жоғары деңгейдегі дайындықтары мен шеберліктерін тағы бір рет дәлелдеді. 
Тілші: Кенжебаева Гаухар Жақыпқызы