Шымкентте оқушыларға «қаржылық сауаттылық» сабақтары енгізілді

Шымкентте оқушыларға «қаржылық сауаттылық» сабақтары енгізілді

Шымкенттегі мектеп оқушылары үшін «қаржылық сауаттылық» бойынша арнайы сабақтар басталды. Педагогтар еркін форматта дәріс өткізіп, қаражатты үнемдеу мен тиімді жұмсау жолдарын түсіндіреді. Бұл бастама Экономикалық тергеу департаментінің бастамасымен жүзеге асырылуда. Себебі, аймақта кредиттік берешегі қордаланған жастардың санының артуы байқалуда.

Қала жастарының кредиттік ұйымдар алдындағы берешегінің өсуіне бірнеше факторлар ықпал етеді. Көптеген жастар құмар ойындардың құрбаны болып, онлайн несиелер алып, қарызға батып жатыр. Қыз-келіншектер арасында табысын еселеймін деген уәдемен қаржылық пирамидаларға алдану жағдайлары жиі кездеседі.

Экономикалық тергеу департаментінің өкілдері жүргізген сыртқы талдау нәтижелерін жариялады. Департаменттің аса маңызды істер жөніндегі жедел уәкілі Камилхан Исмаиловтың айтуынша, талдау барысында 10 құрбанның 70%-ы әйел адамдар екені анықталған. Себебі, әйелдер тез шешім қабылдап, тез ақша табу мақсатында ешкімге айтпай, заңсыз іс-әрекеттерге баруы мүмкін.

25 жастағы аты-жөні аталмаған бір жігіттің мысалы келтірілді. Ол микроқаржы ұйымдарынан алған несиелерін өтей алмай қалған. Ол жалға алған көлігіне залал келтіріп, бірнеше рет несие рәсімдеген. Нәтижесінде қаржылық қиындықтарға тап болған.

Осы жағдайларды ескере отырып, мектептерде енгізілген «қаржылық сауаттылық» сабақтарының маңызы зор. Бұл сабақтар жастарды қаржылық тәуекелдерден сақтандырып, ақшаны тиімді басқаруға үйретуге бағытталған. Экономикалық сауаттылықты арттыру жастардың болашақта қаржылық қиындықтарға тап болуының алдын алуға көмектеседі. 
Тілші: Жүрсінбай Аружан Сабырқызы