10) Түркістан облысында «Таза Қазақстан» бағдарламасы жалғасады

Түркістан облысында «Таза Қазақстан» бағдарламасы жалғасады

  Түркістан облысында «Таза Қазақстан» бағдарламасы тұрақты түрде жалғасын табуда. Бекітілген кестеге сәйкес, облыс көлемінде 800-ден астам ауқымды сенбілік өткізіліп, оған 299 мыңнан астам тұрғын қатысқан. Сондай-ақ 1 миллионнан аса ағаш отырғызылып, 3 мың тонна қоқыс шығарылды. Бұл туралы Түркістан облысының әкімі Нұралхан Көшеровтың төрағалығымен өткен аппарат мәжілісінде айтылды.

  Өңір басшысы тазалық, көгалдандыру және абаттандыру жұмыстарын жалғастыруды, сондай-ақ экологиялық сауаттылықты арттыру және түсіндіру жұмыстарын күшейтуді тапсырды. Сонымен қатар, бағдарламаның жүзеге асырылуына қоғамдық бақылау да жалғасатыны атап өтілді.

  «Таза Қазақстан» бағдарламасы аясында облыс әкімінің бірінші орынбасары Зұлпыхар Жолдасов баяндама жасап, аймақтағы «Телеграмм бот» платформасына 859 өтініш түскенін, оның 852-сі орындалғанын хабарлады. Жыл басынан бері қоғамдық орындарда заң бұзған тұлғаларға 26 702 хаттама толтырылып, 318,5 млн теңге айыппұл салынған. Жұмыстар алдағы уақытта да жалғасады. 
Тілші: Кенжебаева Гаухар Жақыпқызы