Шымкентте «Таза бейсенбі» акциясы жалғасын тапты: 50 тоннадан астам қоқыс жиналды

Шымкентте «Таза бейсенбі» акциясы жалғасын тапты: 50 тоннадан астам қоқыс жиналды

Шымкент қаласында «Таза бейсенбі» акциясы аясында тұрғындар жеке секторларды тазалауға атсалысты.телеарнасының хабарлауынша, тазалық шарасына «Аманат» партиясының мүшелері, қоғам белсенділері, жастар және коммуналдық қызметтің 60-тан астам қызметкері қатысты.

Жаңадан салынып жатқан «Шым-сити» шағынауданындағы құрылыс қалдықтары жиналып, арнайы полигонға шығарылды. «Аманат» партиясы мүшелері бұл экологиялық науқанды жалғастыруды жоспарлап отыр. Олар арнайы кесте жасап, тазалық күндерін белгілейді. Болашақта өзен-көлдердің жағалаулары, республикалық маңызы бар автомобиль жолдарының бойы және қоғамдық орындар тазалау жұмыстарына қамтылады.

Айта кететін жайт, былтыр «Таза бейсенбі» акциясы 30 рет өткізіліп, 50 тоннадан астам қоқыс жиналған. «Amanat» партиясы Абай аудандық филиалының атқарушы хатшысы Әбдез Рахманұлының айтуынша, тазалық акциясына қатысушылардың саны жылдан-жылға артып келеді. Ол бұқаралық ақпарат құралдары мен әлеуметтік желілердің рөлін атап өтті. Халықтың тазалыққа деген белсенділігінің артуы қаланың экологиялық жағдайын жақсартуға оң ықпал етеді. Бұл бастаманың келешекте де жалғасын табатынына және қаланың тазалығына қосқан үлесінің артуына сенімдіміз. 
Тілші: Жүрсінбай Аружан Сабырқызы