Тұран ауданы: 310 көпқабатты үйде жылыту маусымына дайындық жұмыстары жүргізілді

Шымкент қаласының Тұран ауданында 544 көпқабатты үй бар. Оның 501-і орталық жылыту жүйесіне қосылған. 
2023-2024 жылдардағы жылу беру маусымына Тұран ауданында 310 үй дайындалып, пайдалануға беріледі. Қазіргі уақытта қалған 191 үйдің тұрғындарын түсіндіру және хабардар ету жұмыстары жүргізілуде. Естеріңізге сала кетейік, Қазақстан Республикасы Энергетика министрінің 2014 жылғы 18 желтоқсандағы №211 бұйрығымен бекітілген жылу энергиясын пайдалану қағидаларының 11-тарауының 62-тармағына сәйкес тұрғын үйдің лифт торабының бірінші фланеціне жылу беру үшін «Қуатжылуорталық-3» мемлекеттік кәсіпорны жауап береді. Ол қызмет көрсетуге де жауап береді.
«Қуатжылуорталық-3» көпқабатты үйлердің жертөлелеріне жылу береді. Сонымен қатар, тұтынушылар жылу жүйесінің қауіпсіздігін қамтамасыз етуге, құбырларды жууға және сығымдауға, қысу жұмыстарына, жылу берешегін есептеуге және оны өтеуге байланысты жұмыстарды өздері орындауы керек.
Аудан аумағында көпқабатты үйлердің инженерлік жүйелеріне қызмет көрсету бойынша қызметтерді 152 көпқабатты үйге қызмет көрсететін алты сервистік ұйым көрсетеді.
Олар: 
1. «ЖилСтройСервис» ЖШС (телефоны: 87752689139)
2. «NUR-D» ЖШС (телефоны: 87479020097)
3. «KazConstraction Service» ЖШС (телефоны: 87755108248)
4. «Еркин» ЖК (телефоны: 87789922183)
5. «Сержан» ЖК (телефоны: 87751613293)
6. «ТеплоСервис» ЖШС (телефоны: 87026892130)
Ақпарат көзі: Шымкент қаласы әкімінің баспасөз қызметі
Тілші: Шер-Али Шеримбетов