ҚАЛА ӘКІМІ ТЕАТРДЫ ЖАБДЫҚТАУ МӘСЕЛЕСІН ШЕШУДІ ТАПСЫРДЫ

Қала әкімі  Ғабит Сыздықбеков биыл 40 жылдығын атап өткен қуыршақ және жасөспірімдер театрына барып, жұмысымен танысты. Екі бағытта қызмет көрсететін мәдениет ошағында балалар мен жасөспірімдерге арналған  қойылымдар қазақ, орыс тілдерінде ұсынылады.  Өзіндік тарихы бар театрда қырық жылдың ішінде 500-ден астам қуыршақ жасалып, 160-тан астам қойылым қойылған. Жыл сайын 103 мың көрерменге 414   қойылым, 10 премьера көрсетіледі. Мұнда бүгінде 87 қызметкер жұмыс істейді, оның 38-і шығармашылық мамандары.   
 Театр әртістері 40 жылдық мерейтойына орай «Шымкенттен шашу» атты гастрольдік сапары аясында 40 қалада  өнер көрсетті.  Шығармашылық ұжым  VІ Халықаралық «Ортеке»,  Халықаралық «Кукляндия», «Құралай», Солтүстік Македонияда өткен  «СТОБИ -2023»  және Тәжікстан Республикасындағы «Чодари хаел»  қуыршақ театрлары фестивальдеріне қатысып, «Ең үздік балалар қойылымы», «Ең үздік қуыршақ спектаклі» номинацияларының иегері атанды.
 Қала әкімі жауаптыларға театрға қолдау көрсету мақсатында залдарды сапалы жарықпен және заманауи орындықтармен қамтамасыз ету үшін бюджеттік өтінімге ұсыныс енгізу жұмыстарын жүргізуді тапсырды.
Қала әкімі мәдени әртүрлілік пен өнерді қоғам дамуының маңызды құрамдас бөлігі деп санайды. Ол қаражат бөлу және инфрақұрылымдық қолдау көрсету арқылы театрларға белсенді түрде қолдау көрсетеді. Әкім шығармашылықтың өркендеуіне ықпал ететін мәдени іс-шаралар мен фестивальдер ұйымдастырады. Бұл қолдау дарынды суретшілер мен актерлерді тартуға көмектеседі, сонымен қатар қаланың мәдени өмірін байытады. Театрлар қоғамдастықтың байланысын нығайтуға және азаматтар үшін шабыттандыратын атмосфераны құруға көмектесетін білім беру, ойын-сауық және әлеуметтік-мәдени өзара әрекеттестік орталықтарына айналуда.

Ақпарат көзі: Шымкент қаласы әкімінің баспасөз қызметі
Тілші: Шер-Али Шеримбетов