ҚЫЗЫЛШАҒА ҚАРСЫ ВАКЦИНАЦИЯ ЖАСАУҒА ҚАРСЫ КӨРСЕТКІШТЕР

Бүгін Шымкент қаласының санитариялық-эпидемиологиялық бақылау департаменті  басшының орынбасары Айгүл  Тұрымбетова Өңірлік коммуникациялар қызметі алаңында өткен баспасөз конференциясында  қызылшаға қарсы вакцинация жасауға қарсы тұрақты және уақытша көрсеткіштер туралы айтты.
Қызылша ауруына қарсы вакцинация жасауға қарсы тұрақты көрсеткіштер:
- тұрақты иммун тапшылығы жағдайы (АИТВ);
- қатерлі ісік (қан аурулары);
- айқын анемия және қанның басқа да ауыр аурулары;
- кортикостероидтарды немесе сәулелі терапияны ұзақ уақыт қабылдаған тұлғаларға;
- жұмыртқаның ағына, аминогликозид, неомицин және вакцинаны өндіру кезінде қолданылатын басқа да антибиотиктерге қарсы анафилаксиялық реакциялары;
- жүктілік;
- емізу;
- алдыңғы вакцинаны енгізгеннен кейін 48 сағат ішінде дамыған күшті реакция (дене температурасының Т 40С дейін көтерілуі, құрысқақ, гипотониялық синдром) болса.
Уақытша қарсы көрсеткіштер:
- жіті жұқпалы аурулар;
- жіті гломерулонефрит, нефроздық синдром;
- созылмалы ауыру үдеп қозғанда;
- иммуноглобулин немесе қан препараттары егілгенде.
Қалыпты жағдайда егуден кейін әлсіздік, дене қызуының көтерілуі, вакцина егілген жерде болмашы ауыру және гиперемия байқалатын әлсіз реакция пайда болуы мүмкін.  
Қызылша мен қызамыққа қарсы вакциналар аз реакция береді, сол себепті реакция өте сирек кездеседі. Көбінесе вакцинациядан кейін 5-12 күндері өткеннен кейін аурудың жеңіл нұсқасы сияқты синдроммен байқалады: дене температурасының аздап көтерілуі,  ұсақ дақ-папулезді бөртпелердің қысқа мерзімде шығуы. Барлық осы құбылыстар вакцина енгізгендіктен қалыпты егу реакциясы болып саналады және 1-2 күн ішінде өтеді.
Баспасөз конференциясының толық нұсқасын https://www.youtube.com/@AKO17/streams    сілтемесіне өту арқылы көре аласыздар.

Ақпарат көзі: Шымкент Ақпараттық Коммуникациялық Орталық 
Тілші: Шер-Али Шеримбетов