5) Шымкент түрмесіндегі 160 сотталған адам жұмысқа орналасты

Шымкент түрмесіндегі 160 сотталған адам жұмысқа орналасты

  Шымкент қаласының №54 мекемесінде жұмыс киімдерін тігуге арналған жаңа тігін өндірісі іске қосылды. Бұл жоба аясында жазасын өтеп жатқан 160 сотталған жұмысқа орналастырылып, оларға толық әлеуметтік көмек көрсетілуде. Сотталғандар ішкі істер органдары мен Ұлттық ұланға қажетті киімдерді тігумен айналысады.

  Қазіргі уақытта 1,5 млрд теңгеге мемлекеттік сатып алу бойынша алдын ала келісім жасалды. Сонымен қатар, мекемеде кәсіпкерлер мен азаматтарға арналған өнімдер көрмесі ұйымдастырылды. Бұл жоба сотталғандарды қоғамға бейімдеуге бағытталған маңызды қадам болып табылады.

  №53 мекемесінде шұлық, іш киім және төсек-орын бұйымдарын өндіру бойынша «Акниет» ЖШС-мен келіссөздер жүргізілуде. Жоба сотталғандардың жұмысқа тартылуын арттыру және олардың әлеуметке интеграциялануына мүмкіндік береді. 
Тілші: Кенжебаева Гаухар Жақыпқызы