ҚҰРЫЛЫС МАТЕРИАЛДАРЫ ЗАҢСЫЗ САТЫЛҒАН АУМАҚТА КӨГАЛДАНДЫРУ ЖҰМЫСТАРЫ ЖҮРГІЗІЛДІ

Экологиялық жағдайды жақсарту мақсатында заңсыз орналасқан құрылыс материалдарының орны көгалдандырылуда. Аумақтағы жағдай көп жылдан бері қоршаған ортаға зиян келтірген.
Көгалдандыру барысында топырақ қалпына келтіріліп, құнарлы жер дайындалды. Жалпы саны 100-ге жуық ағаш көшеті отырғызылды. Бұл жұмыстар қаланың экологиялық жағдайын жақсартуға, ауаны тазартуға және тұрғындар үшін жайлы демалыс орындарын құруға бағытталған.

Көгалдандыру шаралары Кәсіпкерлік және индустриалды-инновациялық даму басқармасы, Жайлы ортаны дамыту басқармасы және Абай аудан әкімдігі қызметкерлерінің бірлесуімен жүзеге асырылды. Алдағы уақытта бұл аумақ халықтың сүйікті демалыс орнына айналады деп күтілуде.

Ақпарат көзі : Шымкент қаласы әкімдігінің баспасөз қызметі
Тілші : Алимбетов Азамат