Шымкент. Азаматтық қоғамның дамуы — бұл азаматтардың өз құқықтарын қорғау, қоғамның әлеуметтік және саяси өміріне белсене араласу, сондай-ақ жалпыұлттық мәселелерді шешу үшін еркін және тәуелсіз қоғамдық ұйымдардың қалыптасуы мен қызмет ету процесі.

Азаматтық қоғамның дамуы — бұл азаматтардың өз құқықтарын қорғау, қоғамның әлеуметтік және саяси өміріне белсене араласу, сондай-ақ жалпыұлттық мәселелерді шешу үшін еркін және тәуелсіз қоғамдық ұйымдардың қалыптасуы мен қызмет ету процесі. Азаматтық қоғам — мемлекеттің ресми құрылымынан бөлек, адамдардың өз еркімен құрған ұйымдары мен қауымдастықтарының жиынтығы болып табылады.
Азаматтық қоғамның дамуы елдің демократиялық, құқықтық және әлеуметтік жүйелерінің нығаюына ықпал етеді. Бұл үрдіс Қазақстанның тарихи жағдайы мен қазіргі саяси-экономикалық даму жағдайларымен тығыз байланысты.

Азаматтық қоғам азаматтар мен мемлекет арасындағы қарым-қатынасты реттейтін маңызды жүйе болып табылады. Оның негізгі міндеттері: Қоғамдық бақылау, құқық-қорғау, әлеуметтік реформалар сонымен қатар мемлекеттік саясатын қалыптастыру болып табылады.

Қазақстанда азаматтық қоғамның даму үрдісі бірнеше кезеңнен өтті, олар:
1. Тәуелсіздікке дейінгі кезең.
Тәуелсіздікке дейін Қазақстанда азаматтық қоғам дамымаған еді, өйткені Кеңес Одағы кезінде азаматтар өз құқықтарын қорғап, қоғамдық ұйымдар құруда шектеулерге тап болды. Бірақ сол кезеңде бірқатар мәдени, әдеби және қоғамдық қозғалыстар, әсіресе 1980-1990 жылдары, азаматтық қоғамның негізін қалаушы идеяларды көтерді.

2. Тәуелсіздіктен кейінгі кезең.
1991 жылы тәуелсіздік алғаннан кейін Қазақстанда азаматтық қоғамды қалыптастыруға бағытталған алғашқы қадамдар жасала бастады.
Қоғамдық бақылау — азаматтық қоғамның негізгі құралдарының бірі.
Бұл кезеңде жаңа заңнамалар, үкіметтік емес ұйымдардың құрылуы, жастар ұйымдарының және белсенді азаматтардың рөлі арта түсті.
 Қазіргі кезеңде Қазақстанда азаматтық қоғамның дамуы одан әрі жалғасып келеді. Мысалы: Үкіметтік емес ұйымдардың саны артты, құқық қорғау және азаматтық белсенділік сонымен қатар баспасөз және ақпараттық қоғамның рөлі жақсы дамып келе жатыр. 
Қорытынды

Азаматтық қоғамның дамуы — бұл қоғамдағы демократиялық, әлеуметтік және саяси тұрақтылықтың негізі. Қазақстандағы азаматтық қоғамды дамыту азаматтардың құқықтары мен мүдделерін қорғауға, әділетті қоғам қалыптастыруға, ұлттық бірлік пен келісімді сақтауға және мемлекеттік шешімдерге әсер ететін белсенді азаматтардың санын арттыруға бағытталған маңызды процесс болып табылады.

Тілші: Кенжебаева Гаухар Жақыпқызы