Шымкент. Еліміздің болашағы жастарға байланысты

Еліміздің болашағы жастарға байланысты деп бекер айтылмаған. Олардың өмірі мен мүмкіндіктері өте көп, және бұл тікелей мемлекеттің дамуына ықпал етеді. Жастар саясаты – жас ұрпақтың қажеттіліктерін қанағаттандыруға, олардың потенциалын дамытуға және қоғамдағы белсенді рөлін арттыруға бағытталған мемлекеттік шаралардың жиынтығы болып табылады. Өзім жас тілші болғандықтан, бұл пікірді толық қолдаймын және жастарға сенім артып, оларға қолдау көрсету қажет деп санаймын.

Бұл саясаттағы басты міндеттердің бірі – жастардың білім алуына, кәсіби дамуына және жұмыспен қамтылуына жағдай жасау. Осы салалардың дамуы жастардың қоғамдағы өз орнын табуына, өз мүмкіндіктерін толықтай пайдалануына және қоғамға пайдасын тигізуіне мүмкіндік береді.

Саяси белсенділікті арттыру да маңызды бағыттардың бірі. Жастардың саяси өмірге қатысуы мен өз пікірлерін білдіру мүмкіндіктері еліміздің демократиялық дамуы үшін шешуші рөл атқарады. Оларға қажетті білім мен тәжірибені беру арқылы саяси шешімдерді қабылдау процесіне белсенділікпен қатысуға жол ашу қажет.

Мемлекеттік жастар саясатының тиімділігі жастармен тығыз байланыс орнатуға, олардың мұқтаждықтары мен қызығушылықтарын түсінуге байланысты. Олардың пікірін тыңдау және қоғамдағы өз орнын табуға көмектесу – мемлекеттің алдында тұрған маңызды міндеттердің бірі.
Жастарға жаңа көзқарас – олардың өз дамуына, болашағына және қоғамдағы рөліне жауапкершілікпен қарауын қалыптастыруды қамтиды. Әр адамның потенциалын ашуға, өз мүмкіндіктерін пайдалануға көмектесу, сондай-ақ қоғамның дамуына белсенді қатысуға ынталандыру – бұл жастар саясатының негізгі мақсаттарының бірі.

Жас ұрпақ – қоғамның жемісі әрі оны түрлендіруші күш екені сөзсіз. Бұл шындықты түсіну обьективті дұрыс саясаттың алғышарты болып табылады. Жастарға адам өміріндегі маңызды қатынастар жүйесі, өндіріс деңгейі және мәдениетпен күнделікті байланысы туралы ұғындыру қажет.

Өмір жолының сипаты мен бағыты көбінесе адамның өткен тәжірибелерімен анықталады. Әрбір адам өмірде рационалды өмір сүруге құқылы, алайда бұл құқықтың жүзеге асырылуы немесе іске аспауы да мүмкін, ал кей жағдайда ол қоғамдық дамудың баяулауына алып келеді.

Көп нәрсе қоғамның және мемлекеттің осы мәселе бойынша ұстанымына байланысты. Жастардың қоғамдық-саяси рөлі, әсіресе ауқымды реформалар кезінде, ерекше күшейеді, себебі олар жаңа жағдайға бейімделуге және жаңашылдыққа ұмтылады. Жалпы қоғамның дамуы, болашаққа деген сенімді көзқарас жастардың әлеуметтік-мәдени болмысымен тығыз байланысты.

Тілші : Журсынбай Аружан Сабырқызы