Шымкент. Қазақстанда жастар саясатының негізгі бағыттары

Жастар саясаты — жастардың құқықтары мен мүдделерін қорғау, олардың әлеуметтік, экономикалық, мәдени және саяси өмірдегі рөлін арттыру мақсатында мемлекет тарапынан қабылданатын шаралар мен бағдарламалар жүйесі. Қазақстанда жастар саясатының негізгі мақсаты — жастардың қоғамдағы белсенділігін арттыру, олардың дамуына қажетті жағдайлар жасау және болашақта елдің тұрақты дамуына ықпал ету.

Қазақстанда жастар саясатының негізгі бағыттары. Білім беру: Жастардың сапалы білім алуы үшін мемлекеттік бағдарламалар, гранттар мен жастарға арналған оқу орындарын дамытуға баса назар аударылады. Инновациялық және техникалық білім беру бағдарламалары жастардың кәсіби дайындығын арттырады.

Жұмысқа орналасу: Жастарды жұмысқа орналастыру, кәсіби даярлау және қайта даярлау бойынша шаралар қабылданады. «Жас маман» жобасы, жастарға арналған «Дипломмен — ауылға» бағдарламалары арқылы жастарға жұмыс табу мүмкіндігі беріледі.

Кәсіпкерлікті қолдау: Жастардың кәсіпкерлік бастамаларын қолдау мақсатында несие беру, гранттар ұсыну және кәсіпкерлік дағдыларын дамыту бағдарламалары жүзеге асырылады. Бұл жастардың өз бизнесін ашуына мүмкіндік береді.Әлеуметтік қолдау: Әлеуметтік әлсіз топтарға, көпбалалы отбасыларға, жастардың әлеуметтік проблемаларын шешу мақсатында арнайы бағдарламалар мен жобалар жүзеге асырылады. Мысалы, жастарға арналған тұрғын үй, денсаулық сақтау, спорт және мәдениет саласындағы қолдау шаралары.Мәдениет және спорт: Жастардың мәдени және спорттық іс-шараларға қатысуы үшін мүмкіндіктер жасау маңызды. Спорттық секциялар, мәдени фестивальдар мен байқаулар жастардың шығармашылық әлеуетін дамытуға көмектеседі.

Саяси белсенділік: Жастардың саяси өмірге қатысуын арттыру, олардың пікірлерін ескеру, қоғамдық ұйымдар мен жастар қозғалыстарын дамыту — жастар саясатының маңызды аспектілері. Мемлекет жастарды қоғамдық және саяси өмірге тарту мақсатында түрлі форумдар мен диалог алаңдарын ұйымдастырады.Деректер мен зерттеулер: Жастар саясатының тиімділігін арттыру үшін жастардың қажеттіліктері мен проблемаларын зерттеу, сауалнамалар жүргізу маңызды. Бұл жастардың пікірлерін ескере отырып, тиімді шаралар қабылдауға мүмкіндік береді.

Жастар саясатының іске асырылуы жастардың қоғамдағы рөлін арттырып, олардың әлеуетін толық ашуға мүмкіндік береді. Жастар — елдің болашағы, сондықтан олардың мүдделері мен қажеттіліктерін ескеру өте маңызды. Қазақстанның жастар саясаты жастардың дамуына, қоғамның тұрақты әрі үйлесімді дамуына ықпал етеді.Жастар саясаты бағдарламасының негізгі мақсаты мен міндеті қандай? Ол қандай қағидаға сүйеніп іске асады? 2015 жылы қабылданған заңда жастардың толыққанды рухани, мәдени дамуы мемлекеттік жастар саясатының негізгі мақсаты екені айтылған болатын. Сондай-ақ, жастардың білім алуы мен кәсіби біліктілігінің артуы, шешім қабылдау процесіне атсалысуы, физикалық тұрғыдан дамуына басымдық берілген еді. Жастар саясатының басты міндетіне жас азаматтар құқығының қорғалуы, заңды мүддесінің жоғары тұруы жатады.

Жастар саясатының басым қағидаттарына конфессияаралық келісім және этносаралық толеранттылық, ұрпақ сабақтастығы, отбасыдағы тәрбие кіреді. Мәселен, мемлекеттік жастар саясатының негізгі бағыттары: сапалы білім беру, денсаулық сақтау, жұмыспен қамту, кәсіпкерлікті дамыту, тұрақты баспанамен қамту, сыбайлас жемқорлыққа қарсы тәрбиелеу, экологиялық мәдениет, талантты жастарға көмек, мәдени демалысқа баулу.

Тілші : Журсынбай Аружан Сабырқызы