Түркістан облысындағы сыбайлас жемқорлықтың алдын алу шаралары

Түркістан облысында сыбайлас жемқорлықпен күреске ерекше назар аударылып келеді, өйткені бұл мәселе әлеуметтік-экономикалық дамуға, халықтың мемлекетке деген сеніміне, және қоғамдағы жалпы моральдық ахуалға тікелей әсер етеді. Жемқорлыққа қарсы іс-қимыл шаралары жүйелі түрде жүзеге асырылып, мемлекеттік органдардың ашықтығын арттыруға және қоғамдағы құқықтық мәдениетті нығайтуға бағытталған.

1. Жемқорлықтың алдын алу бойынша негізгі бағыттар
1.    Мемлекеттік қызметтердің ашықтығы мен қолжетімділігі: Цифрландыру-мемлекеттік қызметтерді электрондық форматқа көшіру арқылы шенеуніктер мен азаматтар арасындағы тікелей байланыстарды азайту. “Электрондық үкімет” жүйесін кеңейту мемлекеттік қызметтерді алу кезінде сыбайлас жемқорлық тәуекелдерін төмендетуге ықпал етеді.
Ашық бюджеттер-жергілікті атқарушы органдардың бюджетті жоспарлау және жұмсау процесі ашық әрі қолжетімді болуы үшін “Ашық бюджеттер” жобасы енгізілді. Бұл азаматтарға бюджеттік қаражаттың мақсатты жұмсалуын бақылауға мүмкіндік береді.
2.    Қоғамдық бақылау
Қоғамдық кеңестер-облыстағы маңызды шешімдерді қабылдау кезінде азаматтық қоғам өкілдерін тарту. Қоғамдық кеңестер мен бақылау топтары мемлекеттік органдардың қызметіне қоғамдық мониторинг жүргізеді. Жергілікті басқару органдарының заңдары мен нормативтік актілеріне сыбайлас жемқорлыққа қарсы сараптама жүргізу. Бұл заңдар мен шешімдерде сыбайлас жемқорлық тәуекелдерінің болмауын қамтамасыз етуге бағытталған.
3.    Сыбайлас жемқорлық тәуекелдерін азайту
Мемлекеттік сатып алулардың ашықтығы-мемлекеттік сатып алу процесі онлайн-платформалар арқылы жүзеге асырылады, бұл барлық қатысушылар үшін тең жағдай жасауды қамтамасыз етеді және сыбайлас жемқорлық тәуекелдерін азайтады.
4.Облыста сыбайлас жемқорлыққа қарсы мәдениетті қалыптастыру мақсатында ақпараттық науқандар мен семинарлар өткізіледі. Мектептер мен жоғары оқу орындарында арнайы сабақтар мен тренингтер өткізу арқылы жастардың құқықтық сауаттылығын арттыру.
    

2. Жемқорлыққа қарсы заңнамалар мен реформалар:

1.    Түркістан облысында сыбайлас жемқорлыққа қарсы арнайы бөлімдер жұмыс істейді, олар азаматтардан келіп түскен шағымдар мен арыздарды қабылдап, жедел шаралар қолданады. Агенттік мемлекеттік органдардың жұмысын бақылап, сыбайлас жемқорлық фактілерін анықтау және оларды тергеу бойынша жұмыстар жүргізеді.
2.    Мемлекеттік қызметтегі реформалар
Мемлекеттік қызметкерлердің мансаптық өсуін біліктілік пен тәжірибеге байланысты қамтамасыз ету. Бұл қызметкерлерді жұмысқа адал және жауапкершілікпен қарауға ынталандырады.
Кадрлық саясат: Мемлекеттік қызметке жұмысқа алу кезінде ашық конкурс өткізу, кадрларды іріктеу процесінің әділдігі мен ашықтығын қамтамасыз ету. Жемқорлықтың алдын алу мақсатында қызметкерлердің біліктілігін үнемі арттыру.

3. Сыбайлас жемқорлықпен күрестегі жетістіктер мен нәтижелер:

1.    Қоғамдық ұйымдар мен белсенділер сыбайлас жемқорлыққа қарсы іс-қимылда маңызды рөл атқарады. Олардың мемлекеттік органдармен ынтымақтастығы және бақылауы нәтижесінде кейбір маңызды шешімдердің тиімді орындалуы қамтамасыз етілуде.
2.    Жемқорлық фактілерін азайту-Түркістан облысында мемлекеттік қызмет көрсету салаларында сыбайлас жемқорлық деңгейі төмендеп келеді. Бұл цифрлық жүйелерді енгізу, қоғамдық бақылаудың артуы және жемқорлықпен күрес шараларының нәтижесінде мүмкін болып отыр.

Қорытынды
Түркістан облысында сыбайлас жемқорлықтың алдын алу бойынша жүйелі шаралар қабылданып, қоғамның бұл мәселеге деген сезімталдығы артып келеді. Алдағы жылдары бұл бағыттағы жұмыстарды күшейту, жаңа технологияларды енгізу және құқықтық мәдениетті нығайту арқылы жемқорлық деңгейін одан әрі төмендету жоспарлануда. Сыбайлас жемқорлықпен күрестегі табыс қоғамның барлық саласының үйлесімді дамуына мүмкіндік береді.

Тілші: Кенжебаева Гаухар Жақыпқызы