Түркістан облысы. Алкогольдің зияны – тек жеке адамның денсаулығына ғана емес, сонымен қатар бүкіл қоғамға экономикалық, әлеуметтік және мәдени тұрғыда әсер ететін маңызды проблема.

Алкогольді тұтынудың алдын алу шаралары қоғамның денсаулығы мен әл-ауқатын қорғауға бағытталған және бұл мәселені шешуде кешенді тәсіл қажет. Алкогольдің зияны – тек жеке адамның денсаулығына ғана емес, сонымен қатар бүкіл қоғамға экономикалық, әлеуметтік және мәдени тұрғыда әсер ететін маңызды проблема. Алкоголь ағзаға ете тез арада сіңеді, небәрі 5-7 минут ішінде қанға сіңіп, биохимиялық өзгерістерді туғызып, сонымен қоса нерв жүйесін бұзады. Қан алкогольді барлық денеге таратады. Ол ең алдымен мидың қызметін бұзады. Адамның миы жұмыс істемей қалады. Спирттың у концентрациясы 70-80%-ке дейін жетеді. Күнделікті тұрмыста болатын травмалардың 20% арақ, ішуден болады. 50% транспорттық апат осы арақ ішуден туындайды. Алкоголь ағзалардағы болатын витаминдерді, жойып жібереді. Сондықтан да зат алмасу үрдісі адамның кенет төмендеп кетеді.

Алкогольдің құрамы негізінен этанолдан тұрады. Этанол – түссіз, жанғыш, ұшқыш сұйықтық, ол ашыту немесе химиялық синтез арқылы алынады. Этанол – алкогольді ішімдіктердің негізгі белсенді заты. Ол мидың және орталық жүйке жүйесінің жұмысына әсер етіп, психикалық және физикалық реакцияларды өзгертеді. Этанол ағзаға тез сіңіп, қан арқылы миға таралады. Бұл орталық жүйке жүйесінің қызметін бәсеңдетіп, реакцияның баяулауына, сана-сезімнің өзгеруіне және масаюға әкеледі. Этанолдың жоғары дозалары денсаулыққа зиян келтіріп, ішкі ағзалардың зақымдануына және алкогольдік тәуелділікке әкелуі мүмкін.

Алкогольді тұтынудың алдын алу шаралары ұзақ мерзімді стратегияны қажет етеді. Мемлекет пен қоғам бірлесе отырып, алдын алу бағдарламаларын іске асырғанда ғана алкогольдің зиянды әсерін азайтып, халықтың денсаулығын жақсартуға болады. Бұл ретте, отбасының, мектептің және мемлекеттік органдардың үйлесімді әрекеті маңызды рөл атқарады. Алкогольге қарсы күресте жастар ұйымдары мен еріктілер қозғалыстарының рөлін арттыру. Олар алкогольден бас тартудың оң үлгісін көрсетуге мүмкіндік береді.

Қорытынды:
Алкогольді тұтынудың алдын алу шаралары қоғамның денсаулығы мен әл-ауқатын сақтауда аса маңызды. Алкогольдің зиянды әсеріне қарсы күрес әр адамның салауатты өмір салтын ұстануы мен қоғамның бұл мәселеге жауапкершілікпен қарауынан басталады. Тек кешенді шаралар арқылы ғана алкогольдің таралуын азайтып, дені сау және бақытты ұрпақ тәрбиелеуге қол жеткізуге болады.

Тілші: Кенжебаева Гаухар Жақыпқызы