Қала бюджеті өткен жылмен салыстырғанда 18,7 пайызға артып, 779,2 млрд теңгені құрады.

 Қала бюджеті өткен жылмен салыстырғанда 18,7 пайызға артып, 779,2 млрд теңгені құрады. Бюджеттің 51 пайызынан астамы әлеуметтік салаға бағытталған. Өңірдегі халықтың табысын арттыру бағытында жүйелі шаралар қабылданып, республикада алғашқылардың бірі болып 15 мыңға жуық бюджеттік қызметкерлердің жалақыларына қосымша 50 мың теңге үстемеақы тағайындалды. Мемлекет басшысының бастамасымен Халық қатысатын бюджет жобасы сәтті жүзеге асырылып келеді. Биылғы жылы бұл бағытта 228 жобаға 5,8 млрд теңге қаралды.

Аз қамтылған отбасыларға, мүгедек күтуші, қолайсыз отбасыларға, тыл ардагерлеріне, пробация есебінде тұрған азаматтарға, жеке қабылдауға келген азаматтарға білдірушілерге демеушілер есебінен 659-ден астам отбасыға азық-түлік түрінде көмек берілді. Инвесторлардың қаражаты есебінен салынған қосалқы станция Абай және Әл-Фараби ауданында қарқынды дамып жатқан жаңа тұрғын аймақ пен коммерциялық нысандарды тұрақты әрі сапалы электр энергиясымен қамтамасыз етеді. Бұл шағынаудандарда көпқабатты үйлер, әлеуметтік және мәдени нысандар шоғырланған. Жалпы бұл жобаның энергия тапшылығын болдырмауда маңызы зор, - деді қала әкімі Ғабит Сыздықбеков.

Шымкент қаласы Абай ауданында халық қатысатын бюджет жобасы аясында 21 жоба оның ішінде, 20 жобаның 18-і балалар алаңшасы және 2 спрот алаңшасы салынып пайдалануға берілді. Жалпы қаралған қаржы – 491,2 млн.тг. Сонымен бірге, жоба құны – 76,1 млн.теңгені құрайтын халық қатысатын бюджет жобасы аясында 1 гүлзар Жиделі шағын ауданына салынуда. Сондай-ақ, 22 көшеге 15 шақырым аяқ жол салуға – 200 млн.тг, бөлініп, құрылыс жұмыстары аяқталды. Аудан аумағына 20 қоқыс алаңшасын орнату және орталық көшелерге 363 дана қоқыс жәшіктерін орнатуға – 66,3 млн.тг қаржы қаралып, бүгінгі таңда жұмыстар аяқталған. 9 нысанға ирригациялық жүйелер орнатуға – 443,7 млн.тг. қаржы қаралып, қалалық жолаушылар көлігі және автомобиль жолдары басқармасы тарапынан жұмыстар атқарылуда. Мердігер мекеме «ӘлемТрансЖол» ЖШС. Ал аз қамтылған отбасыларға, мүгедек күтуші, қолайсыз отбасыларға, тыл ардагерлеріне, пробация есебінде тұрған азаматтарға, жеке қабылдауға келген азаматтарға білдірушілерге демеушілер есебінен 659-ден астам отбасыға азық-түлік түрінде көмек берілді. Сонымен қатар, Абай ауданы бойынша «Таза өлке», «Киелі мекен», «Өнегелі ұрпақ», «Жасыл аймақ», және «Мөлдір бұлақ» акциялары аясында тазалық жұмыстары белсенді ұйымдастырылды. Нақтырақ айтсақ, Асар ш/а, Шымсити ш/а, А.Асқаров атындағы Дендросаябақ, Қызылжар т.а, Игілік т.а, Көкбұлақ т.а, Алтынтөбе т.а және Бәйдібек би даңғылы мен А-2 тас жолы, Қошқар ата, өзені, жалғызлікті қариялардың үй аулалары т.б. аумақтар тазалық акциясы барысында қалыпқа келтірілір, абаттандырылды. Тазалық жұмыстарына 2170 арнайы техника жұмылдырылды. 50 мыңнан аса адам тазалық жұмыстарына қатысты. 540 шақырым көше, 184 шақырым аяқжолдар тазаланды. 5400 дана ағаш әктеліп, қураған бұтақтары кесіліп, ретке келтірілді. Тазалық нәтижесінде 1760 тонна қоқыс шығарылды. 124 шақырым ирригациялық жүйелер тазаланып, 430 дана аялдамалар жуылды. 68 дана орындықтар, аялдамалар сырланып, жаңартылды. Аудан аймағындағы екі тарихи-мәдени,ескерткіш жуылып, айналасы абаттандырылды. Қала әкімінің тапсырмасына сәйкес, ауданда 2024 жылы жарықтандырылған көшелердің үлесін арттыру мақсатында 254 көшеге бюджеттік өтінім беріліп, 1,2 млрд.тг қаржы қаралды. Жұмыстар қалалық жолаушылар көлігі және автомобиль жолдары басқармасы тарапынан атқарылуда.

Биылғы жылы Шымкент қаласы құрылыс басқармасы тарапынан 163,07 млрд. тенгеге 114 жоба немесе 146 нысанның құрылысын салу жоспарланған. Оның ішінде 111 нысанның құрылысы жыл соңына дейін тапсырылатын болады. Қалған 35 нысанның құрылысы 2025 жылға өтпелі. Енді соларды нақтырақ айтар болсақ, 96 көпқабатты тұрғын үйдің 66 тапсырылады, яғни 5046 пәтердің 2 670 пәтері беріледі. Оның кредиттік пәтер -64, арендалық-2

Бұдан бөлек, Шымкент қаласындағы жастарға және халықтың әлеуметтік осал топтарына арналған 1900 пәтер сатып алуға бюджеттен 38,6 млрд. теңге қарастырылған. Оның ішінде жұмыс жасайтын жастарға 900 пәтерді және халықтың әлеуметтік осал топтарына 1000 пәтерді, нарықтан сатып алу жоспарланған. Қазіргі таңда, 1180 пәтер сатып алынды. Оның ішінде жұмыс жасайтын жастарға 604, халықтың әлеуметтік осал топтарына 576 пәтер сатып алынды. Сонымен қатар, 100 көпқабатты тұрғын үйдің жоблау-сметалық құжаты әзірленуде.
Қорытындылай келе, Шымкент қаласының бюджеті өткен жылмен салыстырғанда айтарлықтай артып, әлеуметтік салаға бағытталған қаржының үлесі 51%-дан асады. Бұл қаладағы әлеуметтік қолдау мен халықтың табысын арттыруға бағытталған шаралардың тиімді жүзеге асырылып жатқанын көрсетеді. Бюджеттік қызметкерлерге жалақы үстемақысы тағайындалуы, халық қатысатын бюджет жобасының сәтті жүзеге асырылуы және аз қамтылған отбасыларға көмек көрсету сияқты маңызды бастамалар іске асырылды.

Тілші: Кенжебаева Гаухар Жақыпқызы