8) Түркістан облысында алкогольді ішімдік шығаратын 3 астыртын цех анықталды

Түркістан облысында алкогольді ішімдік шығаратын 3 астыртын цех анықталды

Түркістан облысының прокуратурасы мен экономикалық тергеп-тексеру департаменті бірлесіп, Келес, Төлеби аудандары және Түркістан қаласында үш ірі астыртын цехты анықтады. Бұл заңсыз цехтардың жұмысы тоқтатылды, нәтижесінде 31 920 шөлмек жалған алкоголь өнімі тәркіленді. Олардың ішінде «Абсолют» маркалы 12 280 шөлмек, «Skyy» маркалы 11 020 шөлмек және «Айдабульская» маркалы 8 620 шөлмек бар. Сонымен қатар, құрамында спирті бар 600 литр сұйықтық тәркіленді. Бұл өнімдердің нарықтағы құны 170 миллион теңгеден астам соманы құрайды. Аталған факт бойынша Қазақстан Республикасының Қылмыстық кодексінің 233-бабымен тергеп-тексеру басталды. 
Тілші: Кенжебаева Гаухар Жақыпқызы