2) Шымкентте 226 кәсіпкер заңсыз әкімшілік жауапкершілікке тартылған

Шымкентте 226 кәсіпкер заңсыз әкімшілік жауапкершілікке тартылған

  Шымкенттің Еңбекші ауданы прокуратурасының жүргізген талдауы нәтижесінде, 226 кәсіпкер заңсыз әкімшілік жауапкершілікке тартылғаны анықталды. Бұл кәсіпкерлерді Шымкент қаласының Мемлекеттік кірістер басқармасы заңсыз негізде әкімшілік жауапкершілікке тартқан.

Мысалы, 2024 жылдың 14 маусымында кәсіпкер “С” Қазақстан Республикасының Салық кодексінің 208-бабы бойынша салықтық өтініш пен есептілікті ұсыну тәртібін бұзғаны үшін ескерту түрінде жазаланып, әкімшілік жауапкершілікке тартылды. Бірақ тексеру кезінде бұл істі қарау барысында мемлекеттік кірістер басқармасы ҚР Әкімшілік құқық бұзушылық туралы кодексінің 744-бабын бұзып, кәсіпкерге іс қаралу уақыты мен орны туралы хабарламағаны анықталды.

 Бұл жағдай кәсіпкерлердің заңды құқықтарын қорғау қажеттігін тағы да көрсетті. 
Тілші: Кенжебаева Гаухар Жақыпқызы