4) Шымкентте жер учаскелері мемлекетке қайтарылды

Шымкентте жер учаскелері мемлекетке қайтарылды

  Шымкент қаласының прокуратурасы заңсыз табысталған жер учаскелерін анықтау және қайтару бойынша жүйелі түрде жұмыс жүргізуде. Қадағалау нәтижесінде жергілікті атқарушы органның жерді пайдалану мерзімін заңсыз ұзартқаны, сондай-ақ жосықсыз тұлғалардың жалған құжаттар арқылы жерді заңдастыру әрекеттері анықталды.

  2024 жылдың басынан бері 747 млн теңгеден астам кадастрлық құны бар, жалпы алаңы 158,6 гектар жер мемлекетке қайтарылды. Бұл жерлер заңды экономикалық айналымға тартылатын болады. Бұзушылықтарға жол бергені үшін 4 лауазымды тұлға тәртіптік жауапкершілікке тартылды. Осы бағыттағы жұмыстар жалғасып, заңсыз жер пайдаланушыларға қатысты қатаң шаралар қабылданады. 
Тілші: Кенжебаева Гаухар Жақыпқызы