3) Яндекс Карты Шымкент қаласының жүргізушілерін жолдың апаттық қауіпті учаскелері туралы ескертеді

Яндекс Карты Шымкент қаласының жүргізушілерін жолдың апаттық қауіпті учаскелері туралы ескертеді

  Шымкент қаласында Яндекс Карты қолданбасында жолдың апаттық қауіпті учаскелері туралы дыбыстық хабарламалар пайда болды. Бұл функция қазақ және орыс тілдерінде қолжетімді және жүргізушілерге жол-көлік оқиғалары (ЖКО) ықтималдығы жоғары аймақтарда сақ болуға көмектеседі.

  Дыбыстық хабарламалар Шымкент прокуратурасы ұсынған мәліметтер мен 2023-2024 жылдардағы жол-көлік оқиғаларының статистикасына негізделген. Қауіпті учаскелердің ішінде Тәуке хан мен Қонаев даңғылдарының қиылысы, Жібек жолы мен Бәйдібек Би даңғылдары, Алатау батыр, Абдулабад, Рабат, Рысқұлов көшелері, сондай-ақ Алматы тас жолы мен Темірлан тас жолы сияқты маңызды бағыттар бар.

  Егер жүргізуші апаттық учаскеге дейін кемінде 300 метр қалғанда жылдамдықты асыратын болса, Яндекс Карты қолданбасында дыбыстық хабарлама іске қосылады, бұл жүргізушіні қауіпті аймақтар туралы ескертеді.

  Хабарламаларды қосу үшін қолданба баптауларына кіріп, «Дыбыстар мен ескертулер» бөліміне өтіп, «Қауіпті аймақтар» тармағын белсендіру жеткілікті.

  Яндекс Карты қолданбасын Google Play Market немесе App Store дүкендерінен жүктеп алуға болады. 
Тілші: Кенжебаева Гаухар Жақыпқызы