Түркістан экологиялық туризм

Түркістандағы экологиялық туризм

Түркістан – Қазақстанның рухани орталығы ғана емес, табиғаты ерекше өңірлердің бірі. Бұл аймақта экологиялық туризмді дамытуға мүмкіндік беретін көптеген табиғи нысандар мен қорықтар бар. Соңғы жылдары қала мен оның айналасындағы аймақтарға туристік қызығушылық артып келеді, бірақ экотуризм әлеуеті толық ашылмаған.

Табиғи байлықтар

Түркістан маңында экологиялық туризм үшін өте қолайлы орындар бар. Солардың бірі – Қаратау қорығы. Қорық сирек кездесетін өсімдіктер мен жануарлардың мекені. Мұнда келушілер табиғатты тамашалап, таза ауада демалып, ерекше флора мен фаунаны зерттей алады. Сонымен қатар, Шақпақ ата үңгірі, Бәйдібек ауданының табиғи көрікті жерлері, Қаратау жоталары экотуристер үшін таптырмас орын.

Экологиялық туризмнің дамуы тек табиғатты тамашалаумен шектелмейді. Бұл бағытта жергілікті тұрғындарды жұмыспен қамту, ауылдық жерлердің экономикалық дамуы және табиғатты қорғау мәдениетін қалыптастыру да маңызды.

Экологиялық туризмнің артықшылықтары

Экологиялық туризм Түркістан өңірі үшін бірнеше маңызды артықшылық береді:

1.Экономикалық пайда: Табиғи аймақтар мен қорықтарды дамыту арқылы аймаққа қосымша инвестиция тартуға болады.

2.Табиғатты қорғау: Экотуризм арқылы қорықтар мен табиғи ескерткіштерді қорғау мәдениетін нығайтуға мүмкіндік туады.

3.Тұрақты даму: Туризм тұрақты жұмыс орындарын ашып, ауыл тұрғындарының әл-ауқатын жақсартады.

Даму жолдары

Түркістанның экотуризмін дамыту үшін мынадай шараларды қолға алу қажет:

Арнайы экотуристік маршруттар ұйымдастыру;

Табиғи орындарда қонақүйлер мен кемпинг аймақтарын салу;

Табиғатты қорғау бойынша  білім беру бағдарламаларын өткізу;

Жергілікті тұрғындарды экотуризмге тарту арқылы олардың экономикалық белсенділігін арттыру.

Сонымен қатар, экотуризмді насихаттау үшін халықаралық деңгейде жарнамалық науқандар жүргізу қажет. Шетелдік туристер үшін аймақтың экологиялық ерекшелігін таныстыратын бейнероликтер, фотокөрмелер ұйымдастыру маңызды.

Түркістанның табиғаты мен қорықтары – еліміздің маңызды байлығы. Экотуризмді дамыту арқылы өңірдің экономикасы да, экологиясы да жақсарады. Табиғатқа құрметпен қарап, оның әсемдігін сақтай отырып, Түркістанды экологиялық туризмнің орталығына айналдыру – бүгінгі күннің басты міндеттерінің бірі. 
Тілші: Түймебай Аяжан Лениншілқызы