1) ШЫМКЕНТКЕ ҚАЛЫҢ ҚАР ЖАУДЫ

ШЫМКЕНТКЕ ҚАЛЫҢ ҚАР ЖАУДЫ

  Шымкентте қалың қар жауып, қалада қар тазалау жұмыстары жалғасуда. Синоптиктердің айтуынша, бүгін сағат 17:00-ге дейін жауын-шашынның тоқтамайтындығы болжануда. Скандинавия аймақтарынан келген циклон мен атмосфералық фронтальды бөлімдер Қазақстанның оңтүстік, оңтүстік-шығыс және шығыс аймақтарында қар мен жаңбыр түрінде жауын-шашынға себеп болып отыр.

  Шымкентте түннен бері қар тоқтамай жауып, ауа температурасы -1 градусқа төмендеген. Түнде температураның -12 градусқа дейін төмендеуі күтілуде. Қаладағы коммуналдық қызметтер қармен күресуге дайын, инертті материалдар сеуіліп, арнайы техника мен қызметкерлердің көмегімен тазалау жұмыстары жүргізілуде. Қазіргі уақытта жол үстіндегі қардың қалыңдығы 4 сантиметрге жеткенде тазалау жұмысы басталады. Қалада 189 арнайы техника мен 2 мыңға жуық қызметкер жұмыс істеп жатыр.

  Мамандар тұрғындардан қар тазалау жұмыстарына кедергі болмас үшін автокөліктерін жол жиегіне қалдырмауды сұрайды. 
Тілші: Кенжебаева Гаухар Жақыпқызы