5) Тоқаев Шымкентте заңсыз салынған үйлерді бұзуға қатысты пікір білдірді

Тоқаев Шымкентте заңсыз салынған үйлерді бұзуға қатысты пікір білдірді

   Мемлекет басшысы Қасым-Жомарт Тоқаев Шымкентте заңсыз салынған үйлердің бұзылуына қатысты пікір білдірді. Үкіметтің кеңейтілген отырысында Шымкент әкімі баяндама жасап, оның сөзінен кейін президент қаладағы жер телімдері мен заңсыз құрылыс мәселесіне тоқталды.

  “Шымкентте жер телімдеріне қатысты өткір мәселе шешілмей тұр. Заң алдында бәрі бірдей. Сондықтан былтырдан бастап заңсыз салынған нысандар сүріле бастады. Мемлекеттік органдардың мұндай әрекеті сынға ұшырады. Бірақ бұдан қорқудың қажеті жоқ. Себебі әкімдіктің заңға сәйкес жұмыс істеп жатыр”, – деді президент.

  Осылайша, мемлекет басшысы заңсыз құрылыстарды жою бойынша қабылданып жатқан шараларды қолдап, бұл жұмыстардың заң аясында жүзеге асырылып жатқанын атап өтті. 
Тілші: Кенжебаева Гаухар Жақыпқызы