Түркістан облысында 4 жыл бойы жоғалған қыз анасымен қауышты

Түркістан облысында 4 жыл бойы жоғалған қыз анасымен қауышты

Түркістан облысының полицейлері 4 жыл бұрын із-түссіз жоғалып кеткен қызды тауып, оны анасымен қауыштырды. Төлеби аудандық полициясы осы кезеңде үздіксіз жүргізген іздеу жұмыстарының арқасында қызды аман-есен тапты.

2021 жылдың жазында жергілікті тұрғын полицияға 16 жастағы қызының жоғалғаны туралы арызданған. Осыдан кейін тәртіп сақшылары дереу тергеу әрекеттерін бастап, жоғалған қызды іздеу шараларын ұйымдастырды. 

Жылдар өтсе де, полицейлер жедел іздестіру жұмыстарын тоқтатпады. Тұрғынның арызы негізінде іздеу жұмыстары тұрақты түрде жүргізіліп, нәтиже бермеген жағдайда да полиция қызметкерлері мәселені назарда ұстады. 2025 жылдың қаңтар айында жүргізілген кешенді жұмыстар өз жемісін беріп, ана мен қызының арасындағы ұзаққа созылған бөлініс аяқталды. 

Қызды табудың нәтижесінде анасы мен қызының қуанышы шексіз болды. Бұл жағдай тек отбасының емес, сонымен қатар бүкіл қоғамның назарын аударады, өйткені жоғалып кеткен адамдарды іздеу - құқық қорғаушылардың басты міндеттерінің бірі. 

Түркістан облысының полициясы бұл оқиға арқылы қоғамға жоғары деңгейдегі қызметін көрсетіп, азаматтардың қауіпсіздігін қамтамасыз етуге дайын екендігін тағы да растады. Олардың айтуынша, әрбір жоғалған адам маңызды, және оның іздеуінде тоқтаусыз еңбек ету қажет. 
Тілші: Жүрсінбай Аружан Сабырқызы