Түркістандық полицейлер трассада жолаушыдан 2 келі есірткі тәркіледі: Қылмыстық іс қозғалды

Түркістандық полицейлер трассада жолаушыдан 2 келі есірткі тәркіледі: Қылмыстық іс қозғалды

Түркістан облысының полиция қызметкерлері Жедел-іздестіру іс-шараларының нәтижесінде 42 жастағы күдіктіні есірткіні заңсыз сақтағаны мен тасымалдағаны үшін ұстады. Оқиға Батыс Еуропа - Батыс Қытай трассасында "Сауран" бекетінің жанында "Тойота Камри" маркалы көлікті тоқтатқан кезде болды. Тексеру барысында жедел уәкілдер жолаушыдан есірткіге ұқсас заты бар 3 полиэтилен пакетін тапты. Алынған заттың жалпы салмағы шамамен 2 келі "кептірілген марихуана" болды.

Қазіргі уақытта осы факті бойынша қылмыстық іс қозғалды. Күдікті, Қызылорда облысының тұрғыны, қамауға алынды. Полиция қызметкерлері болған оқиғаның барлық мән-жайын анықтауға бағытталған жедел-тергеу іс-шараларын жүргізуде. Бұл оқиға заңсыз есірткі айналымымен күресте полицияның тиімді әрекет ететіндігін тағы бір дәлелдеп отыр. 
Тілші: Жүрсінбай Аружан Сабырқызы