Қаратау ауданы: Қайтпас елдімекеннің көшелері биыл 100 пайыз асфальтталады

Шымкент қаласы Қаратау ауданының аумағы 19 500 гектар жерді алып жатыр. Аудандағы халық саны 190 мыңнан астам, сондай-ақ мұнда 18 елді мекен орналасқан. Қаратау ауданындағы көшелер саны – 595. Ауданның жылдан жылға әлеуметтік экономикалық деңгейі жоғарылап, инфрақұрылымы дамып келеді.
Қаланы асфальттау – қаладағы жол жамылғысының жағдайын жақсартуға бағытталған инфрақұрылымды дамытудың маңызды бөлігі. Процесс келесі қадамдарды қамтиды:
1.  Жол жамылғысын дайындау:  Жолдағы саңылауларды, жарықтарды және басқа да ақауларды жою, сонымен қатар бетті қоқыстан және шаңнан тазарту.
2.  Асфальт төсеу:  Жылытылған асфальт арнайы машиналармен жол бетіне жайылады және тығыздалады.
3.  Тығыздау және тегістеу:  Жолдың берік және тегіс бетін қамтамасыз ету үшін асфальт тығыздалады.
4.  Белгілеу және әрлеу:  Қозғалыс қауіпсіздігін қамтамасыз ету үшін жолға белгі қойылып, бордюрлер мен тротуарларды қоса алғанда, қажетті әрлеу жұмыстары жүргізіледі.
Асфальт төсеу көлік қозғалысының жайлылығы мен қауіпсіздігін арттырады, қала экономикасының дамуына және тұрғындарының өмір сүру сапасын жақсартуға ықпал етеді. 
Қаратау ауданына қарасты Қайтпас шағын ауданында бүгінде 15 мыңнан аса халық тұрады. Шағын аудан аумағында 3 891 жеке секторлы үй, 3 мектеп, 18 балабақша орналасқан. Қазіргі уақытта балалар ойын алаңшасын салуға тиісті жер қарастырылып, биыл балалар қуанышына орай пайдалануға беріледі деп күтілуде. 
 Қайтпас шағын ауданындағы 55 көшенің қазір 50-і асфальтталған, 5-еуіне шағал тас төселген. Айта кетейік, биыл шағын аудандағы асфальт төселген көшелер санын 100 пайызға жеткізу көзделуде. Сондықтан Ер Жәнібек, атауы жоқ №1,2,3,4 көшелерге асфальт төсеу жұмыстары жүргізілуде. 
 Сонымен қатар биылғы жылы 6 көше, атап айтқанда Болашақ, Медеу, Ахметбаев, Дайрабеков, Ақбаев, Ақберен көшелері жарықтандырылады. Келесі жылы Көркем, Тұран, Әмірбеков көшелерін жарықтандыру жоспарланған. «Цифрлы Қазақстан» мемлекеттік бағдарламасына сәйкес аталған шағын аудан интернет жүйесімен толық қамтамасыз етілген. Сондай-ақ, шағын ауданда №42, 24,57 бағыттағы қоғамдық көліктер қатынайды. 
Жалпы Қайтпас елдімекені 100 пайыз ауыз су, электр жарығы, табиғи газбен қамтылған. 
Ақпарат көзі: Шымкент қаласы әкімінің баспасөз қызметі
Тілші: Шер-Али Шеримбетов