Байланысқа арналған телефондар:
» » СЫБАЙЛАС ЖЕМҚОРЛЫҚПЕН КҮРЕСУ ШАРАЛАРЫ ТАЛҚЫЛАНДЫ

СЫБАЙЛАС ЖЕМҚОРЛЫҚПЕН КҮРЕСУ ШАРАЛАРЫ ТАЛҚЫЛАНДЫ

24 ноябрь 2023, Пятница
2 702
0
Бүгін қала әкімі Ғабит Сыздықбеков және Сыбайлас жемқорлыққа қарсы іс-қимыл Агенттігінің Төрағасының орынбасары Ұлан Сарқұлов басшылығымен Агенттіктің Қоғамдық кеңесінің жылжымалы отырысы өткізілді.
Жиналыста аудан әкімдері, басқарма басшыларымен бірге "Сыбайлас жемқорлықтан ада бизнес" жобасы сөз болып, жер қатынастары, білім, денсаулық сақтау, құрылыс секторларындағы маңызды мәселелер қарастырылды. Агенттік басшысы Дәурен Ерғарин сыбайластық схемалары мен қылмыстарды алдын алу жөніндегі жұмыстарды баяндады. Қоғамдық кеңес төрағасы Марат Башимов қаладағы сыбайлас жемқорлыққа қарсы шараларға жоғары баға берді.
Биылғы жылы 200-ге жуық талдау және мониторинг жасалып, 1500-ден аса ұсыныс берілді. Сыбайлас жемқорлық тәуекелдерінің өңірлік карталары жасалып, салаларды бағалау үшін жүйе құрылды.
Жер саласындағы сыбайлас жемқорлық тәуекелдерін азайту мақсатында геоақпараттық портал әзірленді. 1 ақпаннан бері іске қосылған жүйе арқылы жер саласындағы 18 мемлекеттік қызмет пен сервис автоматтандырылды, бұған дейін портал 2 мыңнан аса қызмет көрсеткен. Сонымен қатар, әкімдік 100-ге жуық мемлекеттік қызметті Egov, Damumed, Halyk, Kaspi мобильдік қосымшалары арқылы қолжетімді етті. Қала тұрғындарының қауіпсіздігін арттыру және сыбайлас жемқорлықты азайту мақсатында 3 мыңнан аса бейнебақылау камерасы орнатылған, қазір 1 500 қосымша камера орнатылуда.
Білім саласында ustaz-nobd.iac.kz бағдарламасы арқылы былтыр 758, биыл 295 педагог қызметке қабылданды. Алдағы уақытта жемқорлық тәуекелдерін азайту мақсатында "Фаворит" ақпараттық жүйесі енгізілмек.
Отырыста сыбайлас жемқорлықпен күрес, алдын алу жөнінде ұсыныстар талқыланып, кешенді жоспарлар бекітілді.
Обсудить
Добавить комментарий
Комментарии (0)
Прокомментировать