ҚАРАТАУ АУДАНЫНДА КӘСІПКЕРЛЕР ЕСЕБІНЕН 68 НЫСАН АШЫЛҒАН

Өткен жылы Қаратау ауданында кәсіпкерлер есебінен 68 нысан ашылып, 950 адам жұмыспен қамтылған. Бүгінде қаламызда ауыл шаруашылығы саласындағы шағын және орта кәсіпкерлікті дамытуға күш салынуда. Ол үшін мемлекеттік қолдау да аз емес. Мемлекет тарапынан көрсетілетін қолдаудың нәтижесінде қалада бірқатар шаруалар, кәсіпкерлер, тауар өндірушілер өз кәсіптерін дөңгелетуде. Қаратау ауданы бойынша кәсіпкерлер есебінен 2022 жылы 41,5 млрд. Теңге инвестиция тартылды. Ал, 2023 жылы 50 млрд. Теңге  инвестиция тарту жоспарланған.
Осы тұрғыда  Шымкент қаласы ауыл шаруашылығы және ветеринария басқармасы, Шымкент қаласы «Shymkent» ӘКК АҚ, «Ауыл шаруашылығын қаржылай қолдау қоры», «Атамекен» ҰКП-ы өкілдерінің тарапынан «Ауыл шаруашылығы саласындағы мемлекеттік бағдарламалар, Ауыл шаруашылығы тауарларын өндірушілерге жаңа техникалар сатып алу, даму мен мемлекеттік қолдау шаралары, субсидия алу процестері және инновациялық   субсидиялаудың бағыты мен нормативтерін түсіндіру жұмыстары жан-жақты жүргізілуде. 
Биыл аудан аумағында 198 нысан салынуда. Сонымен қатар Шымкент қаласының қалалық орта сапасы және бақылау басқармасына хабарлама тапсырған 27 нысанның құрылысы таяуда басталмақ. Жыл соңына дейін 92 нысанның құрылысы аяқталып, 1100 тұрғынды жұмыспен қамту көзделуде. Яғни өткен жылмен салыстырғанда 35 пайызға өскен. Алдағы уақытта да аудан аумағында жаңа кәсіпкерлік нысандар ашып, жұмысын жандандыру бағытындағы шаралар өз жалғасын таппақ.
Қаратау ауданында 68 жаңа кәсіпкерлік нысанының ашылуы өңірдегі экономикалық даму мен кәсіпкерлік белсенділіктің маңызды белгісі болып табылады. Бұл айтарлықтай өсім бизнес қауымдастығының ауданның болашағына деген сенімін көрсетеді.
Ашылған нысандардың қатарында әр түрлі салалардың кәсіпорындары болуы мүмкін: бөлшек сауда, қоғамдық тамақтандыру, қызмет көрсету саласы және т.б. Бұл ауданның жан-жақты дамуына, жергілікті тұрғындарға жаңа мүмкіндіктер туғызуға және экономикалық базаны нығайтуға қолдау көрсетеді.
Қаратау өңіріне инвестиция құйып жатқан бизнесмендерді қолайлы инвестициялық ахуал, жергілікті билік тарапынан қолдау және аймақтық нарықтың өсу перспективалары шабыттандыруы мүмкін.
Бұл шара сонымен қатар жаңа жұмыс орындарын ашуға, қоғамдағы әл-ауқаттың артуына және әлеуметтік тұрақтылықты сақтауға көмектесуі мүмкін.
Қаратау өңірінде кәсіпкерлікті дамыту жергілікті экономика үшін ғана емес, жалпы өңірдің оң имиджін қалыптастыру үшін де маңызды. Жаңа бизнес нысандарының ашылуы қосымша инвестицияларды тудыруы және ұзақ мерзімді экономикалық дамуды ынталандыруы мүмкін.