ТҰРАН ШАҒЫНАУДАНЫНДА ОҚУШЫЛАРҒА КЕЗЕКШІ АВТОБУС ҰЙЫМДАСТЫРЫЛДЫ

Тұран шағынауданында жолаушылар санының артуына байланысты және тұрғындардың өтініші негізінде №104 автобус маршрутының сызбасы №79 мектепке дейін ұзартылды. Сондай-ақ қосымша 4 автобус қосылып, 16 кесте 11 минуттық жиілікпен ұйымдастырылды.

Бұдан бөлек, №66 автобус маршрутына қосымша 2 кесте қосылды. Жалпы бұл бағытта 18 автобус 12 минуттық жиілікпен қатынайды.

Ал, №3 автобус маршрутына тасымалдаушы мекеме “Shymkent bus” ЖШС қосымша қысқа сызбамен қызмет көрсететін кезекші 3 автобус қосты. Ол 6 рейспен мектеп оқушыларын тасымалдайды. Бұл өзгеріс оқушылардың көп болуына байланысты енгізіліп отыр.

Жалпы, күнделікті Тұран шағынауданынан бекітілген кесте бойынша 70 автобус тоқтаусыз жолаушыларды тасымалдайды.

Статистика бойынша, қалада күніне қоғамдық көлікпен 70 мың оқушы қатынайды.

Ақпарат көзі : Шымкент қаласы әкімдігінің баспасөз қызметі
Тілші : Алимбетов Азамат