Қазақстан Республикасының «Қуатты өңірлері» ұлттық жобасы

Қазақстан Республикасының «Қуатты өңірлері» ұлттық жобасы — елдің әрбір аймағын дамытып, аймақтық теңсіздікті азайту, тұрғылықты халықтың өмір сүру сапасын арттыру мақсатында қабылданған кешенді бастама. Бұл жоба еліміздің барлық өңірлерінде тұрақты даму мен әлеуметтік-экономикалық өсімді қамтамасыз етуге бағытталған. «Қуатты өңірлері» ұлттық жобасы елдің экономикалық өсімін ынталандырып, азаматтардың тұрмыс деңгейін жақсартуды мақсат етеді.

Жобаның негізгі мақсаты
Ұлттық жобаның негізгі мақсаты — Қазақстанның барлық өңірлерін экономика мен әлеуметтік сала бойынша теңгерімді дамыту. «Қуатты өңірлер — ел дамуының драйвері» ұлттық жобасы азаматтардың қолайлы өмір сүру ортасын құруға бағытталған.
Халыққа базалық қызметтерді қамтамасыз ету
Ұлттық жобаның мақсаты — халықтың базалық көрсетілетін қызметтерге тең қол жеткізуін қамтамасыз ету, тұрғын үй-коммуналдық жағдайды жақсарту, көліктік байланыстылықты жетілдіру, елдің транзиттік әлеуетін және халықтың ұтқырлығын арттыру.
Ұлттық жобаны іске асыру бағыттары
Ұлттық жобаны іске асыру екі бағыт бойынша жүзеге асырылады:

• Базалық көрсетілетін қызметтерге тең қол жеткізу.
• Көліктік байланыстылықты қамтамасыз ету.

Бұл жоба аймақтар арасындағы даму алшақтығын жоюға, жергілікті бизнес пен индустрияларды қолдауға, ауылдық және қала тұрғындарының өмір сүру жағдайларын жақсартуға бағытталған.
Экономикалық ресурстарды тиімді пайдалану
Экономикалық ресурстарды тиімді пайдалану және өңірлерде өндірісті дамыту арқылы жергілікті жұмыс орындарын көбейту көзделген. Жолдар, электр энергиясы, ауыз су, газ және интернет желілерін тарту халықтың өмір сүру сапасын арттыруға ықпал етеді.
Әлеуметтік инфрақұрылымды дамыту
Білім беру, денсаулық сақтау, мәдениет және спорт салаларында инфрақұрылымдық жаңарулар мен мемлекеттік шаралар жүзеге асырылуда. Қолжетімді тұрғын үй салу арқылы халықтың баспанамен қамтылуын арттыру үшін көптеген шаралар өткізіліп жатыр.
Өңірлердің экономикалық ерекшеліктері
Әрбір өңірдің өзіндік экономикалық ерекшеліктері мен артықшылықтары бар. Сондықтан бұл жобаның аясында өңірлердің дамуына бағытталған арнайы шаралар іске асырылуда. Қазақстандағы әр өңірдің экономикалық әлеуетін тиімді пайдалану арқылы барлық өңірлерде өндіріс, ауыл шаруашылығы, шағын және орта бизнес сияқты салаларды қолдау көзделеді.
Кәсіпкерлікті дамыту және инфрақұрылымдық қолдау
Өңірлердің экономикасын әртараптандыру, өнеркәсіп саласын дамыту және инновациялық технологияларды енгізу басты назарда. Жергілікті кәсіпкерлерге салықтық жеңілдіктер, қаржылық және инфрақұрылымдық қолдау көрсету арқылы кәсіпкерлікті дамыту көзделген. Индустриялық жобалар мен инфрақұрылымдық бастамалар арқылы жұмыссыздық деңгейін төмендету жоспарланған.
Әлеуметтік саланы дамыту
Бұл жобаның негізгі мақсаттарының бірі — әлеуметтік саладағы теңсіздіктерді азайту және өмір сүру сапасын арттыру. Тұрғын үй салу, денсаулық сақтау мен білім беру жүйесін жаңарту, мәдениет және спортты дамыту — бұл бағыттағы басты шаралар. Қала мен ауыл арасындағы білім беру сапасының айырмашылығын азайту, жаңа мектептер мен медициналық орталықтар салу, қарттарға, көп балалы отбасыларға, мүмкіндігі шектеулі адамдарға арналған әлеуметтік қолдау қызметтерін жақсарту қолға алынған.
Экологиялық мәселелерді шешу
Қуатты өңірлер жобасы экологиялық мәселелерді де назардан тыс қалдырмайды. Экологияны сақтау және табиғи ресурстарды тиімді пайдалану мақсатында жасыл технологияларды енгізу, экологиялық таза өндірістер мен қайта өңдеу салаларын дамыту көзделген.
Қорытынды
«Қуатты өңірлері» ұлттық жобасы Қазақстанның әлеуметтік-экономикалық дамуына жаңа серпін беріп, әрбір аймақтың тұрақты дамуын қамтамасыз етуге бағытталған маңызды шара. Бұл жоба еліміздегі әр өңірдің әлеуетін толық іске асыру арқылы халықтың өмір сапасын арттырып, Қазақстанның жалпы даму көрсеткіштерін көтеруге мүмкіндік береді.

Тілші : Журсынбай Аружан Сабырқызы