Шымкент. „Қуатты өңірлер – ел дамуының драйвері” ұлттық жобасы

  Қазақстанда азаматтардың негізгі қызметтерге қолжетімділігін қамтамасыз ету, тұрғын үй-коммуналдық жағдай мен көлік байланысын жақсарту мақсатында «Қуатты өңірлер – ел дамуының драйверлері» Ұлттық жобасы құрылған болатын. Бұл жоба тұрғын үй-коммуналдық және инфрақұрылымды дамытуға арналған бірнеше мемлекеттік бағдарламаларды біріктірді. Бұл, өз кезегінде, оларды іске асыруға көптеген мүмкіндіктер берді, себебі ұлттық жоба аясында бюджеттік қаржыландыруда басымдыққа ие болды. Өңірлердің инфрақұрылымын жақсарту бойынша ауқымды шаралардың қажеттілігі бірнеше факторлармен анықталды. Мысалы, ірі қалалардың шетін ретке келтіру, ескі кварталдарды жаңарту және ескірген тұрғын үйлерді бұзу секілді өзекті мәселелерді шешу қажет болды. Сонымен қатар, көлік инфрақұрылымының әлсіздігі экономикалық өсуге айтарлықтай кедергі келтірді.

  2021 жылы бұл жоба іске қосылды. Ұлттық жобаның мақсаты – халықтың базалық қызметтерге тең қол жеткізуін қамтамасыз ету, тұрғын үй-коммуналдық жағдайды, көліктік байланыстылықты жақсарту, елдің транзиттік әлеуетін арттыру және халықтың ұтқырлығын күшейту. Жалпы, Ұлттық жоба екі бағыттан тұрады:

1. Базалық қызметтерге тең қол жеткізу
2. Көліктік байланыстылықты қамтамасыз ету

  Ұлттық экономика министрінің Үкімет отырысындағы мәліметінше, ұлттық жобаны іске асыруға 1,4 трлн теңге жұмсалған. 2021 жылы бағдарламаға ұлттық валютада 1,5 трлн теңге бөлінді. Ұлттық жоба «Нұрлы жер», «Нұрлы жол» және «Өңірлерді дамыту» мемлекеттік бағдарламаларының іс-шараларын қамтиды, оның ішінде «Ауыл – Ел бесігі» жобасы да бар. Жобаны іске асырудың әлеуметтік әсері инфрақұрылымдық қамтамасыз ету мен тұрғын үй мәселелерін шешу арқылы халықтың өмір сүру сапасын жақсартуға бағытталған. Ұлттық жоба Қазақстан Республикасының 2025 жылға дейінгі Ұлттық даму жоспарындағы №10 Ұлттық басымдықты да қамтиды.
2022 жылы ұлттық жобаны жүзеге асыруға 1,8 трлн теңге жоспарланған, оның 709 миллиарды бюджеттен тыс қаражат болды. 2022 жылдың 1 тамызындағы жағдай бойынша 528 млрд теңге немесе жалпы соманың 30%-ы игерілді.

  Қорытындылай келе, халықтың сапалы әрі жайлы тұрғын үйге қолжетімділігін арттыру – жобаның басты мақсаттарының бірі болып табылады.

Тілші: Кенжебаева Гаухар Жақыпқызы