Шымкентте ҰҚКД-нің жаңа басшысы тағайындалды

Шымкентте ҰҚКД-нің жаңа басшысы тағайындалды

  ҚР Ұлттық қауіпсіздік комитеті төрағасының бұйрығымен Шымкент қаласы бойынша Ұлттық қауіпсіздік комитеті департаментінің бастығы лауазымына Руслан Темірғалиұлы Сейсембаев тағайындалды. Бұл туралы департаменттің баспасөз қызметі хабарлады.

  Руслан Сейсембаев Ұлттық қауіпсіздік комитетінің Академиясын бітіріп, 1997 жылдан 2008 жылға дейін Ұлттық қауіпсіздік органдарында офицерлік қызметтер атқарған. 2008 жылдан бастап осы салада басшылық қызметтерді иеленіп, 2023 жылдың сәуірінен 2024 жылдың қыркүйегіне дейін ҚР ҰҚК төрағасының орынбасары және террорға қарсы қызмет бастығының міндетін атқарды.

 Оның қызметі барысында II дәрежелі «Айбын» орденімен және бірнеше мерейтойлық медальдармен марапатталған. 2021 жылы ҚР Президентінің Жарлығымен Ұлттық қауіпсіздік генерал-майоры атағын алған. Сонымен қатар, ол ҚР ҰҚК құрметті қызметкері болып табылады.

 Бұл тағайындау еліміздің қауіпсіздік саласындағы күш-жігерді нығайтуға бағытталған тағы бір қадам болып табылады. 
Тілші: Кенжебаева Гаухар