Елімізде жаңа жыл түні 181 бала дүниеге келді

Елімізде жаңа жыл түні 181 бала дүниеге келді

2025 жылдың 1 қаңтарында елімізде жаңа жыл түні 181 сәби дүниеге келді. Мерекелік түнде туған балалардың арасында ерекше жағдай орын алды — Маңғыстау облысында бір егіз бала дүниеге келді.

Жаңа жыл түнінде ең көп нәрестелер Түркістан облысында тіркелді — барлығы 34 сәби, екінші орында Алматы қаласы мен Алматы облысы орналасып, онда 17 жаңа туған нәресте өмірге келді. Үшінші орынға Шымкент қаласы жайғасты, мұнда 16 отбасы балалы болды.

Астана қаласында жаңа жыл қарсаңында, өткен жылдағыдай, 10 сәби дүниеге келді.

Еске сала кетейік, бұған дейін биыл сәбилерге қойылған ең танымал есімдер туралы ақпарат жарияланған болатын. Жаңа жыл түні туған сәбилер мен олардың ата-аналарына құтты болсын айтып, елімізде сәби туудың қуанышы жалғасын табуда.  
 Тілші: Жүрсінбай Аружан Сабырқызы