Байланысқа арналған телефондар:
» » Шымкент қаласында 2024 жылы халықты жұмыспен қамту шаралары нәтижелі жүзеге асырылып, жаңа жұмыс орындары құрылды.

Шымкент қаласында 2024 жылы халықты жұмыспен қамту шаралары нәтижелі жүзеге асырылып, жаңа жұмыс орындары құрылды.

14 Қантар 2025, Сейсенбі
20
0
Шымкент қаласында 2024 жылы халықты жұмыспен қамту шаралары нәтижелі жүзеге асырылып, жаңа жұмыс орындары құрылды

2024 жылы Шымкент қаласында халықты жұмыспен қамту шаралары сәтті жүзеге асырылып, жоспарланған көрсеткіштерден жоғары нәтиже көрсетілді. Жыл басында 56 962 адамды жұмыспен қамту шараларына тарту көзделсе, жыл қорытындысында бұл көрсеткіш 58 046 адамға жетіп, жоспар 102%-ға орындалды. Оның ішінде 39 792 адам тұрақты жұмысқа, 11 490 адам уақытша жұмысқа орналасып, 6 764 адам кәсіпкерлік негіздерін оқуға тартылды.

Сонымен қатар, өткен жылы 30 207 адамды жұмыспен қамту шараларына қатыстыру жоспарланып, 33 814 адам қатысқан, яғни 111,9% орындалған. Осыған байланысты, 7 453 адам субсидияланатын жұмыс орындарына жолдама алды. Мегаполисте 26 482 жаңа жұмыс орны құрылды, оның 26 096-сы тұрақты, 386-сы уақытша жұмыс орындары болды. Бұл орындардың 3 140-ы түрлі мемлекеттік концепциялардың негізінде, ал 23 342-сі жеке бастамалар арқылы ашылған, мысалы, жекеменшік балабақшалар, спорт кешендері, білім беру ұйымдары, асханалар мен дәріханалар.

Жалпы алғанда, 2024 жыл Шымкент қаласында жұмыспен қамту саласында табысты өткенін және мегаполисте еңбек нарығындағы сұранысқа жауап беретін жаңа жұмыс орындарының құрылып, халықтың жұмысқа орналасу деңгейінің артқанын көрсетіп отыр. 
Тілші: Жүрсінбай Аружан Сабырқызы 
Обсудить
Добавить комментарий
Комментарии (0)
Прокомментировать