3) Түркістан облысында жолды сапасыз салған мердігер 9 млн теңге айыппұл төлейтін болды

Түркістан облысында жолды сапасыз салған мердігер 9 млн теңге айыппұл төлейтін болды

  Ұлттық сапа орталығы Түркістан облысындағы 42 облыстық және аудандық маңызы бар жолдар мен 208 ауыл көшесінің құрылысын бақылап, 2017 рет тексеру жүргізген. Тексеру барысында 2147 сынама алынып, 152 кемшілік анықталған. Мемлекеттік сәулет-құрылыс бақылау органдарына 25 хат жолданып, нәтижесінде мердігерлерге 9,599 млн теңге, ал техникалық қадағалаушыларға 9,555 млн теңге айыппұл салынған. Сонымен қатар, 12 жол құрылысын бақылаған техникалық қадағалаушының лицензиясы 6 айға тоқтатылған. Ұлттық сапа орталығының нұсқауымен 5500 шаршы метрден астам жол жабыны қайта төселген. Ғалымжан Өтенбаевтың айтуынша, бұл шаралар жолдардың сапасын арттырып, болашақта кемшіліктердің алдын алу мақсатында атқарылған. 
Тілші: Кенжебаева Гаухар Жақыпқызы