Жалпы қалалық сенбілік жұмысына 72 мыңнан астам адам қатысты.

Президент Әкімшілігінің тапсырмасына сәйкес «Жаңа Қазақстан. Таза табиғат». Шымкент қаласының тұрғындары табиғатты қорғау акциясына белсене қатысты. Ел тарихындағы айтулы мереке қарсаңында ұйымдастырылған жалпықалалық сенбілікке қала тұрғындары, мәслихат депутаттары, мемлекеттік қызметкерлер мен ерікті жастарды қосқанда 72 мыңнан астам азамат қатысты.
 Бүгінгі сенбілікте белсенділер қураған ағаштарды кесіп, демалыс орындарын қалпына келтірген А.Асқаров атындағы дендрологиялық саябаққа басты назар аударылды. Дегенмен акция бір саябақпен шектеліп қалмады – қаланың түкпір-түкпірінен қоқыс шығарылып, азаматтық жауапкершіліктің жоғары екендігін көрсетті.
 Тазалық жұмыстарына 50 техника жұмылдырылып, 358 текше метр қоқыс шығарылды. Бұл ауқымды жоба экологиялық жауапкершілікке жасалған маңызды қадам болды және қаланың тазалығын сақтаудағы қала тұрғындарының белсенділігін ерекше атап өтті.
Сенбілік - бұл аумақты тазалауға арналған, әдетте демалыс күндері, көбінесе сенбіде өткізілетін көпшілік іс-шара. Сенбілік кезінде ерікті қатысушылар қоқыс шығару, қалалық немесе табиғи аумақтарды абаттандыру жұмыстарын орындау немесе қоршаған ортаны жақсарту бойынша басқа да іс-шараларды өткізу үшін жиналады. Сенбіліктерді жергілікті билік органдары, үкіметтік емес ұйымдар, қоғам белсенділері немесе жай ғана мүдделі азаматтар тобы ұйымдастыра алады.
Сенбілік мақсаты – қоғамдық орындардағы тазалық пен тәртіпті насихаттау, экологиялық тазалықты сақтау, сонымен қатар экологиялық мәселелерге назар аудару және табиғатқа жауапкершілікпен қарау. Кейбір елдерде сенбіліктер дәстүрге айналып, оған көптеген адамдар тұрақты түрде қатысады.
Ақпарат көзі: Шымкент қаласы әкімінің баспасөз қызметі
Тілші: Шер-Али Шеримбетов