Байланысқа арналған телефондар:
» » ҚАЛА ӘКІМІ ЖОЛДЫҢ ҚҰРЫЛЫСЫМЕН ТАНЫСТЫ.

ҚАЛА ӘКІМІ ЖОЛДЫҢ ҚҰРЫЛЫСЫМЕН ТАНЫСТЫ.

26 октябрь 2023, Четверг
2 760
0
Қала әкімі Ғабит Сыздықбеков жол құрылысы нысандарын аралап, жұмыс барысымен танысты.
Бүгінде бас жоспар бойынша салынып жатқан Қонаев даңғылының жалғасында қарқынды құрылыс жүріп жатыр. Бұл құрылым Бадам көпірінен оңтүстікке қарай 4,7 км жерде орналасқан. Қазіргі уақытта 2,8-4,7 шақырым аралығында жол іргетасы салынып, асфальт-бетон жабынының төменгі қабаты төселді. Сонымен қатар, мұнда жобаға сәйкес инженерлік желілер қайта орнатылды.
 Бадам өзеніндегі көпірден Саттарханов көшесіне дейін құрылыс жұмыстары жалғасуда. Жолдың бұл бөлігі 5 қарашаға дейін көлік қозғалысы үшін ашық болады деп жоспарлануда.
 Бүгінде Жансүгіров, Анаров көшелерінен Рашидов көшесіне дейінгі аумақта көлік көп. Жол жиегі төмендеп, шұңқырлар пайда болғандықтан, көлік қозғалысына қауіп төніп тұрғанын ескере отырып, орташа жөндеу жұмыстары жүргізілуде.
 Бұл аумақта жүргізіліп жатқан жұмыстардың қарқынын қала басшысы қадағалады. Жобада жол жамылғысын жаңарту және ұңғымаларды ауыстыру бар. Орташа жөндеу жұмыстары 1 қарашаға дейін аяқталады деп жоспарлануда.
 Қала әкімі жауаптыларға ең алдымен сапаны назарға алып, жұмысты өндірістік кестеге сәйкес аяқтауды тапсырды.
Обсудить
Добавить комментарий
Комментарии (0)
Прокомментировать