ШЫМКЕНТТЕ ЖЫЛ БАСЫНАН БЕРІ 514,3 МЛРД ТЕҢГЕ ИНВЕСТИЦИЯ ТАРТЫЛДЫ

Бүгінде қалада жалпы құны 80,7 млрд теңгені құрайтын 30 инвестициялық жоба жүзеге асып, 2 147 адам тұрақты жұмыспен қамтылды. Жалпы биыл инвестиция құны 103.5 млрд теңгені құрайтын 41 жоба жолға қойылып, 2 836 жаңа жұмыс орнын ашу жоспарланған. Ал 2023–2027 жылдар аралығында жалпы құны 1,8 трлн теңгені құрайтын 276 инвестициялық жобаның пулы жасақталды. Нәтижесінде, 32 мыңнан аса адам жұмыспен қамтылады.
 Үшінші мегаполисте 5 өнеркәсіптік аймақ бар. Жалпы аумағы 869 гектарды құрайды. Жоспарланған кестеге сәйкес жалпы құны 358 млрд теңгені құрайтын 337 жоба жүзеге асырылуда. Бүгінге дейін инвестиция көлемі 216 млрд теңгені құрап, 273 жоба іске асты. Ал 8 мыңнан аса адам тұрақты жұмыспен қамтылды.
 Қалада өңдеу өнеркәсібі салаларында 2023–2027 жылдар аралығында жалпы құны 395,1 млрд теңгені құрайтын 101 инвестициялық жобаның пулы жолға қойылды. Нәтижесінде, 11 мыңнан астам жұмыс орны құрылады. Қазіргі уақытта құны 10,9 млрд теңгені құрайтын 7 жоба іске асырылды. Ал жалпы биыл инвестициялық көлемі 14,6 млрд теңгені құрайтын 14 жобаны жүзеге асыру жоспарланған. Бұл меже орындалса, 413 жаңа жұмыс орны ашылады. 
Болашақта бұл жобалар қаланың дамуына үлкен үлес қосып, кейінгі инвесторларға үлгі болады деп сенеміз.
Ақпарат көзі: Шымкент қаласы әкімінің баспасөз қызметі
Тілші: Шер-Али Шеримбетов