Байланысқа арналған телефондар:
» » ҚЫСҚА ДАЙЫНДЫҚ ЖӘНЕ ҚАУІПСІЗДІК ШАРАЛАРЫ ПЫСЫҚТАЛДЫ

ҚЫСҚА ДАЙЫНДЫҚ ЖӘНЕ ҚАУІПСІЗДІК ШАРАЛАРЫ ПЫСЫҚТАЛДЫ

01 декабрь 2023, Пятница
2 912
0
Қала әкімінің орынбасары Айдын Кәрімовтің төрағалығымен төтенше жағдайлардың алдын алу және оларды жою жөніндегі жоспарлы комиссия отырысы өтті. Күн тәртібінде осы бағыттағы бірқатар өзекті мәселе талқыланды. 
 Қыс маусымында халықты, қала аумағындағы мекемелерді сапалы табиғи газбен, жылумен, электр қуатымен қамтуда, оқыс жағдайларды алдын алуда атқарылған жұмыстар пысықталды. Сондай-ақ жауаптылар көлік жолдарындағы қозғалысқа қолайлы жағдай жасау бағытындағы шараларды баяндады. 
 Көп қабатты тұрғын үйлер мен жеке ғимараттарда сирень-сөйлеу құрылғыларын орналастыру, пиротехникалық заттарға қатысты қауіпсіздік шараларын күшейту жұмыстары қарастырылды. Сонымен қатар, комиссия отырысында қала аумағындағы хостелдердегі өртке қарсы қауіпсіздік мәселелері баяндалып, құзырлы органдарға келеңсіздіктерді алдын алуда нақты тапсырмалар берілді.
 Комиссия отырысында қала халқының қауіпсіз тыныс-тіршілігін қамтамасыз етудегі өзекті мәселелерді шешуде, төтенше жағдайлардың алдын алуда шұғыл түрде шаралар қабылдау бойынша бірқатар тапсырма жүктелді.
Қала әкімдігі тұрғындардың жайлылығы мен қауіпсіздігін қамтамасыз ету үшін кең ауқымды шараларды қолға алып, қысқа дайындықты қызу жүргізіп жатыр. Жылу жүйелері, жолдар мен көпірлер күрделі ауа райы жағдайларына дайын болу үшін тексеріліп, жөнделеді. Су қоймалары да тасқынның алдын алу үшін мұз бен қардан тазартылады. Қала қызметтері жол беттерін мұздан тазарту үшін тұз бен құмтаспен қамтамасыз етеді. Төтенше жағдайларда тұрғындарды эвакуациялау және оларға көмек көрсету бойынша оқу-жаттығулар жүргізілуде. Медициналық мекемелер мен шұғыл қызметтерді ықтимал төтенше жағдайларға дайындауға ерекше назар аударылады.

Ақпарат көзі: Шымкент қаласы әкімінің баспасөз қызметі
Тілші: Азамат Алимбетов
Обсудить
Добавить комментарий
Комментарии (0)
Прокомментировать