Түркістан облысы. Алкоголь мен шылым шегуге қарсы шаралар қазіргі қоғамда өте маңызды болып тұр.

Алкоголь мен шылым шегуге қарсы шаралар қазіргі қоғамда өте маңызды болып тұр. Бұл зиянды әдеттер денсаулыққа үлкен зиян тигізеді, өмір сүру сапасын төмендетеді, әрі қоғамдық мәселелердің тууына да себепші болуда.

Бірінші кезекте, жастарды ақпараттандыру қажет. Мектептерде, университеттерде және басқа да оқу орындарында осы тақырыпқа арналған арнайы сабақтар немесе тренингтер ұйымдастыру керек. Мұндай шаралар арқылы жастарға зиянды әдеттердің денсаулыққа қалай әсер ететінін, олардың өмір сүру ұзақтығына және жалпы өмір сапасына әсерін нақты мысалдар арқылы түсіндіру қажет. Атақты спортшылар мен белгілі адамдарды шақырып, олардың өмір жолдарын үлгі ету арқылы жастарға оң әсер етуге болады.

Екінші, жарнамаға шектеу қою керек. Теледидардан, интернеттен алкоголь және шылым өнімдеріне арналған жарнамаларды көріп жүрген жастар оны қалыпты нәрсе деп қабылдайды. Осыған орай, алкоголь мен темекі өнімдерінің жарнамасын шектеу керек, ал көшедегі жарнамаларға, әлеуметтік желілерге ерекше назар аудару қажет.

Үшіншіден, спортты насихаттау қажет. Қоғамдық орындарда спорттық іс-шаралар ұйымдастырып, жастарды денсаулыққа пайдалы әрекеттермен айналысуға шақыру – бұл тиімді тәсіл. Мысалы, марафондар, веложарыстар немесе фитнес-клубтарда тегін жаттығулар өткізу сияқты шаралар арқылы жастарды қызықтырып, зиянды әдеттерден алыстатуға болады.

Сонымен қатар, бағаны көтеру – де бір шешім. Алкоголь және шылым өнімдерінің бағасын жоғарылату халықты бұл өнімдерді жиі тұтынбауға итермелейді. Әсіресе, жастар арасында қаржы мәселесі үлкен рөл ойнайды, сондықтан бағаны көтеру арқылы зиянды өнімдерге сұранысты азайтуға болады.

Ақпараттық науқан мен заңды шараларды ұштастыру – қазіргі қоғамда осы мәселелерді шешудің тиімді жолдары. Жастарды қызықтыру үшін интернет пен әлеуметтік желілерді тиімді пайдаланып, оларды салауатты өмір салтына ынталандыру – бүгінгі заманның қажеттіліктерінің бірі.

Сонымен бірге, отбасылық тәрбие де өте маңызды рөл атқарады. Ата-аналар өздері үлгі болып, зиянды әдеттерден аулақ болу арқылы балаларға дұрыс бағыт береді. Мектеп жасынан бастап салауатты өмір салтын қолдау, спортқа, өнерге, білімге қызығушылықты арттыру қажет. Осылайша, қоғамда салауатты өмір сүруге талпынатын, өз денсаулығына жауапкершілікпен қарайтын ұрпақ қалыптасады.

Тілші: Түймебай Аяжан Лениншілқызы